Author Archives: Mathieu

5. Vula e Profetëve

Siç i është sphallur
Lamëtarit të Zotit,
Marshall Vian Summers
më 24 maj 2014
në Boulder, Kolorado

Është shumë e rëndësishme tani që Ne të flasim për Vulën e Profetëve, në mënyrë që njerëzit e kësaj bote mund të kuptojnë se çfarë do të thotë kjo në të vërtetë dhe pse është e rëndësishme që të mbrohen Shpalljet e mëdha të Zoti, të cilat jepen vetëm në disa pikë kthese kyçe në zhvillimin dhe evolucionin e njerëzimit.

Shpalljet e mëdha janë aq shumë të rëndësishme për botën. Ato përbëjnë blloqet ndërtuese të qytetërimit njerëzor.

Tani Zoti ka folur përsëri për të mbrojtur qytetërimin njerëzor nga shpërbërja dhe shembja e brendshme dhe nga nënshtrimi nga forca nga universi që kërkojnë të përfitojnë nga konfliktet dhe injoranca njerëzore.

Është një prag që ishte parashikuar me kohë dhe që ishte i destinuar për të ndodhur, dhe do të vinte në një kohë kur njerëzimi do të kishte filluar të themelonte një qytetërim botëror – me siguri jo një qytetërim perfekt, por një qytetërim megjithatë.

Do të ndodhte kur disa kushte të ishin përmbushur dhe kur prekshmëria e njerëzimit ndaj gabimeve të veta do të rritej deri në një pikë ku qytetërimi njerëzor vetë do të rrezikohej nga rënia dhe shkatërrimi i mjedisit dhe nga plaçkitja e tokës, deri në pikën ku nuk mund të siguronte më me bollëk për një njerëzim në rritje.

Do të priste pikën ku prekshmëria e njerëzimit ndaj universit do të arrinte pragun kritik. Sepse bota është vëzhguar për një kohë të gjatë nga disa raca për qëllimet dhe planet e tyre.

Zoti e di këtë, sigurisht, sepse kjo është pjesë e evolucionit të çdo bote – çdo bote që ka qenë origjina e emergjencës së një race ose çdo bote që është kultivuar nga vizitorët nga jashtë. Është e parashikueshme. Do të ndodhte shpejt ose vonë. Dhe koha për këtë tani ka ardhur për njerëzimin.

Zoti i mbron Shpalljet e mëdha me një Vulë. Vula do të thotë se Asambleja Engjëllore nuk do të japë një Shpallje të madhe tjetër derisa Zoti i universit të lajmërojë se duhet të jetë ashtu. Është Vula e tyre për t’i mbrojtur Shpalljet nga uzurpimi, plagjatura dhe ndaj atyre që pretendojnë se janë të dërguar ose lajmëtar, gjë që ndodh në mënyrë të pashmangshme pas një Shpallje të madhe për botën.

Njerëzit e botës nuk do ta dinë se kjo Vulë ekziston. Nuk është diçka që mund të prekin. Nuk është e shkruar nëpër kushtetutat e tyre. Nuk është përgjithësisht e kuptuar ose e pranuar.

Por ndër Pranisë dhe Asamblesë Engjëllore që mbikëqyr këtë botë është një urdhër shumë i qartë dhe duhet të vendoset, përndryshe Shpalljet e mëdha mund të ndoten aq shumë sa mos të njihen dot më. Do të preken dhe do të ndryshohen nga njerëzimi me kalimin e kohës, nëpërmjet injorancës dhe korrupsionit dhe nëpërmjet përdorimit abuziv. Por Vula në Qiell është e plotë, e shihni.

Megjithatë, në një pikë të caktuar Zoti do ta thyejë Vulën, sepse një Shpallje e Re duhet të vijë. Sepse Mësimet e mëdha të dhëna më parë do të jenë të pamjaftueshme për t’i plotësuar nevojat e vërteta të familjes njerëzore në përgjithësi.

Intervali midis Shpalljeve të mëdha është shumë i gjatë në shumicën e rasteve, sepse ato janë të mjaftueshme për t’i plotësuar nevojat e njerëzimit për një kohë shumë të gjatë.

Por tani e keni arritur pragun e madh ku Zoti ka folur përsëri – një prag i madh për të cilin njerëzimi është injorant dhe i papërgatitur, një prag i madh të cilin Shpalljet e mëdha të dhëna në kohët e lashta nuk mund të kalojnë. Nuk ishin të planifikuara për këtë. Nuk ishin dhënë për këtë qëllim. Ishin të domosdoshme për ndërtimin e qytetërimit njerëzor, një qytetërim botëror me kalimin e kohës.

Por tani qytetërimi njerëzor siç gjendet sot është i kërcenuar nga brenda si dhe nga jashtë, aq ashpër i kërcenuar sa Zoti ka folur përsëri, sepse rreziqet janë shumë të mëdha dhe injoranca njerëzore shumë e thellë.

Edhe Shpalljet e mëdha të dhëna më parë janë të përçara dhe të grindura brenda tyre dhe me njëra-tjetrën. Ato nuk mund ta përgatisin njerëzimin për Komunitetin e Madh të jetës në univers. Ato nuk mund ta përgatisin njerëzimin për një botë në rënie mjedisore – ndryshimi më i madh që mund t’i ndodhë çdo qytetërimi në çdo botë. Nuk ishin të parashikuara për këtë qëllim.

Zoti e di këtë, me siguri. Por njerëzimi nuk e di. Nuk e kupton se çfarë po vjen në horizont. Nuk i kupton kushtet e tij në lidhje me jetën rreth tij në univers. Nuk e di gjendjen e tokës mjaftueshmërisht për të parë se sa shumë e ka shfrytëzuar dhe mbishpenzuar trashgimin e tij natyrore në këtë botë. Është në një rrugë vetë-shkatërrimi dhe shpërbërje e pakujdesshme me kalimin e kohës.

Ndryshimet e mëdha që do të vijnë në këtë botë janë të mjaftueshme për ta zvogëluar qytetërimin njerëzor ashpërsisht nëse njerëzimi nuk është i përgatitur.

Këtu Vula është thyer, sepse një Shpallje e Re duhet të jepet. Vula u thye pas jetës së Jezusit kur Muhamedit iu dha misioni i tij i madh në botë. Dhe tani Vula është thyer përsëri me Shpalljen e Re të Zotit për botën.

Këtu duhet ta kuptoni se Lajmëtarët e mëdhenj kanë ardhur të gjithë nga Asembleja Engjëllore, të dërguar në botë për një mision të madh, të dërguar në botë në pika kthese dhe oportunitete të mëdha. Vijnë të gjithë nga Asambleja. Kanë të gjithë një Burim të përbashkët. Nuk janë djemtë e Zotit. Nuk janë qendra e universit.

Kanë ardhur nga Asambleja që mbikëqyr këtë botë, një botë me rëndësi të madhe në univers, sepse njerëzimi e ka mbajtur vetëdijen e tij shpirtërore të gjallë. Pavaresisht nga gabimet e shumta dhe historia e tij tragjike – konfliktet dhe fatkeqësitë e mëdha që i ka sjellë vetvetes dhe botës – është një botë me shpresë dhe me rëndësi të madhe.

Zoti do të krijojë një Vulë të re kur Shpallja këtë herë do të jetë e plotë, dhe do të zgjasë me shekuj.

Njerëzit do të pohojnë gjithmonë se kanë mesazhe nga Zoti ose se janë profetë ose shpëtimtarë. Por Asambleja Engjëllore nuk do t’i japë atë që duhet për të qenë e vërtetë dhe autentike. Në këtë mënyrë, Qielli bën atë që mundet për t’i mbrojtur Shpalljet e mëdha, të cilat janë aq shumë të prekshme nga keqpërdorimi dhe keqkuptimi njerëzor.

Shpallja e Re e Zotit për botën në këtë pikë kthese të madhe është më e gjëra që i është dhënë ndonjëherë botës – e dhënë tani për një botë të shkolluar, një botë me tregti dhe komunikime globale, një botë me rreziqe gloable, e dhënë tani me komentin e vet për të kufizuar mundësinë për keqinterpretim dhe keqpërdorim në të ardhmen, e dhënë me përsëritje të mëdha, e thënë në mënyra të shumta për t’i dhënë njerëzve një oportunitet të madh për të kuptuar se çfarë po i jepet dhe pse duhej të jepej në këtë kohë.

Shpallja e Re e Zotit për botën përmban një paralajmërim, një bekim dhe një përgatitje të madhe. Pa përgatitjen, nuk do t’i përgjigjeshit dot paralajmërimit. Pa paralajmërimin, nuk do ta kuptonit dot rëndësinë e përgatitjes. Dhe pa bekimin, nuk do ta kishit fuqinë ose nuk do ta dinit në kë drejtim të ktheheshit brenda vetes ose midis njëri-tjetrit për kurajon ose vendosmërinë për të bërë atë që dhuet bërë për botën, pët të kuptuar kuptimin e vërtetë të qëllimit tuaj këtu dhe pse keni ardhur në këtë pikë kthese të madhe.

Kjo nuk është dhuratë për disa të zgjedhur, ose për më të pasurit dhe më të privilegjuarit midis jush. Është e dhënë për të gjithë botën, e dhënë në termat më të thjeshta, e dhënë në mënyrë sa më të qartë, e dhënë me forcë të madhe; flet pothuajse për të gjitha aspektet e eksperiencës njerëzore, e dhënë për t’i dhënë njerëzimit një shans të madh për të restauruar botën dhe për t’u përgatitur për Komunitetin e Madh të jetës, për të cilin duhet të mesoni tani se si të përgjigjeni.

Mos mendoni se kjo gjë nuk është relevante për nevojat tuaja, sepse kjo është bota që keni ardhur për të shërbyer. Këto dy ngjarje të mëdha do të përcaktojnë në çdolloj çështje, në çdolloj mënyre, çfarë lloj jete mund të jetoni, çfarë do të kufizojë jetën tuaj dhe çfarë mund të sjellë përpara fuqitë tuaja të mëdha dhe qëllimin tuaj të madh që ndodhet i fshehur poshtë sipërfaqes së mendjes suaj. Mos mendoni se kjo nuk ju drejtohet, sepse jeni dërguar në botë për këtë.

Çfarë do të ndodhë në botë dhe matanë kësaj bote në lidhje me këtë botë do të përcaktojë fatin dhe të ardhmen e çdo njëriu të gjallë sot dhe të fëmijëve të tij dhe të gjeneratave që do të vijnë. Aq e fuqishme është. Aq e nevojshme është.

Mesazhi i Ri nga Zoti do të ndryshojë kuptueshmërinë tuaj të fesë dhe do të sjellë qartësi të madhe këtu. Do të vendosë unitetin e të gjitha feve dhe si janë të ndërtuar mbi njëra-tjetrën për të krijuar një themel moral dhe etik të vërtetë për sjellje dhe mirëkuptim njerëzor.

Por po jetoni në një botë të ndryshme tani, dhe do të përballoni një botë shumë të ndryshme në të ardhmen – një botë me burime në rënie dhe me klimë të paqëndrueshme, një botë që do të ndikojë tek jeta e të gjithëve, të pasur e të varfër, në të gjitha anët e botës.

Aq e madhe është nevoja. Aq i madh është rreziku. Aq i madh është ndikimi dhe fuqia e kësaj saqë Zoti ka folur përsëri dhe ka dërguar një Lajmëtar të ri në botë. I dërguar nga Asambleja Engjëllore është ai, si të gjithë të tjerët që u dërguan më parë. Ata qëndrojnë me të, sepse ai është Lajmëtari i kësaj kohe, i kësaj epoke dhe të kohëve që do të vijnë për një kohë shumë të gjatë.

Vula do të jetë me të, dhe Qielli do të vëzhgojë për të parë se kush do t’i përgjigjet pranisës së tij në botë. Sepse ai është një burrë i moshuar tani dhe nuk do të ketë një kohë të gjatë për ta mësuar.

Ai e ka kaluar jetën e tij duke marrë një Shapllje më të gjerë dhe më të plotë se gjithçka që i është dhënë njerëzimit më parë.

Ajo do të zbolojë kuptimin e jetës në univers. Do të zbulojë se çfarë po vjen në horizontin e jetës suaj dhe të gjithë botës. Do të zbulojë natyrën e vërtetë të spiritualitetit njerëzor në një nivel më të lartë, një nivel i quajtur Dije. Do të zbolojë se çfarë njerëzimi duhet të mësojë për të krijuar bashkëpunim të vërtetë këtu në botë dhe për t’i dhënë fund konflikteve të tij të pafund dhe plaçkitjes se tmerrshme të botës. Sepse kjo është e vetmja botë që do të keni që mund t’ju mbajë.

Universi rrëth jush nuk do të jetë i juaji për të pushtuar ose për të eksploruar matanë këtij sistemi djellor. Ka rreziqe të mëdha aty, për të cilat njerëzimi nuk di asgjë fare. Shikon akoma nëpërmjet syve primitiv, sytë e injorancës dhe të shpresës. Nuk e di se me çfarë ka të bëjë në një Komunitetin e Madh jete në univers.

Zoti tani duhet ta japë këtë, të paktën në mënyrë të mjaftueshme, në mënyrë që njerëzimi mund të përgatitet dhe të veprojë me urtësi dhe me ndërgjegje për të ardhmen, në vend që të veprojë vetëm në dobi të çastit.

Kjo ka gjithçka të bëjë me atë që jeni – natyrën tuaj të thellë, pse jeni ashtu siç jeni dhe pse jeni krijuar ashtu siç jeni krijuar – gjë që nuk mund të kuptoni, derisa ta kuptoni se është për një qëllim të madh, të cilin tani duhet në të vërtetë të zbuloni.

Duhet ta pranoni se Vula e Profetëve është thyer. Jo nga një njeri, jo nga një fe, por nga Zoti, që komunikon me botën përmes Pranisë dhe Asamblesë Engjëllore që mbikëqyr këtë botë dhe përparimin dhe evolucionin e familjes njerëzore.

Këtu do të ketë qartësi të madhe për pyetjet e fesë, kuptimin e jetës, fatin e njerëzimit dhe sfidat e mëdha që do të vijnë, për të cilat njerëzimi duhet të përgatitet në këtë kohë.

Mos u tërhiqni nga kjo. Mos bini në hijet e preokupimeve tuaja. Mos u dëshpëroni. Sepse Zoti ju ka dhënë një fuqi të thellë brenda jush për t’ju dhënë mundësinë për t’u përgjigur, për t’u përgatitur për të përballuar një botë më të gjerë dhe për të jetuar një jetë më të madhe.

Ende nuk e kuptoni se çfarë do të thotë kjo, por me kalimin e kohës do të bëhet e qartë si dita. Sepse Zoti ju ka dhënë sytë për të parë dhe veshët për të dëgjuar, por ato nuk janë sytë me të cilat ju tani shikoni ose veshët me të cilat ju tani dëgjoni. Por ato janë brenda jush – thellë brenda jush.

Kjo është fuqia e vërtetë e jetës suaj. Kjo është fuqia e vërtetë e familjes njerëzore. Kjo është që do ta bëjë ndryshimin në rezultatin e jetës suaj këtu në botë dhe për të ardhmen dhe fatin e njerëzimit.

Vetëm Shpallja e Re e Zotit për botën mund t’jau zbolujë këto gjëra tani. Pa atë, njerëzimi do të vazhdojë në rënien e tij luftarake të dëshpëruar, në drejtimin e tij luftarak të dëshpëruar në jetë, duke plaçkitur botën në një mënyrë aq kritike saqë nuk do të jetë më në gjendje që ta mbajë qytetërimin njerëzor në ndonjë formë të njohshme. Do t’i bini pre forcave sunduese nga universi, dhe gjithçka që do të keni krijuar më vlerë do të jetë e humbur.

Është vetëm Shpallja e Zotit për botën që mund t’jau zbulojë këtë me qartësi, pa shtrembërim, pa interesin e ndonjë race të huaj në lojë, pa ndonjë manipulim ose mashtrim çfarëdo qoftë.

Në zemrën tuaj do të përgjigjeni sepse në një nivel më të thellë jeni gjithmonë të lidhur me Zotin. Nëse jeni fetar apo jo, nëse keni një traditë fetare apo jo, jeni gjithmonë të lidhur. Dhe kjo është shpresa e shpengimit tuaj të ardhshëm, burimi i fuqisë suaj të madhe dhe i zgjidhjes së madhe të çfarëdolloj gjëje që ju ka ndodhur më parë.

Vula e Profetëve është thyer përsëri nga Zoti. Ishte e destinuar për t’u thyer kur njerëzimi do të arrinte një pikë të caktuar, kur do të arrinte një pikë kthese ku do të ishte i përballuar me sfida të papara nga të gjithë familja njerëzore, duke përballuar një botë në rënie dhe realitetet e universit rreth jush.

Zoti e ka dhënë qartësinë tani për të kuptuar se për çfarë flisnin në të vërtetë të gjitha traditat e mëdha fetare, para që të ndryshoheshin, adoptoheshin dhe të përdoreshin nga njerëzit dhe qeveritë për qëllimet e tyre.

Këtu nderoni të gjithë Lajmëtarët e mëdhenj dhe e kuptoni misionin e tyre në tokë më plotësisht, në një dritë të qartë. Sepse nuk duhet të ketë grindje ose konkurrencë midis feve të botës, se të gjitha janë iniciuar nga Zoti dhe janë ndryshuar nga njerëzit.

Vula është thyer, por do të rivendoset kur Shpallja e Re e Zotit të jetë e plotë, dhe kur Lajmëtari të ketë kohë për ta paraqitur gjatë kohës së tij, gjë që duhet të ndodhë tani që Shpallja të jetë krejtësisht dhe plotësisht autentike. Nuk mund të përmblidhet më vonë nga njerëz që nuk e njihnin.

Ka qenë detyra e tij e madhe të merrte Shpalljen më të madhe që i është dhënë ndonjëherë kësaj bote – për ta përmbledhur, për ta siguruar saktësinë e saj, për ta mësuar ashtu që mund t’i mësohet të tjerëve, për ta kuptuar plotësisht gjatë kohës që ai është një njeri këtu në botë, për të mbledhur rreth tij njerëz të guximshëm që do ta ndihmojnë atë në këto detyra të mëdha në mënyrë që gjatë jetës së tij Shpallja mund të paraqitet në formë të pastër, duke i dhënë zgjidhje një dileme ndaj të cilës kanë vuajtur Shpalljet e mëparshme për njerëzimin.

Bekimi është mbi ju. Është mbi botën, por vjen me një urgjencë dhe një nevojë të madhe. Kjo nuk është diçka që mund të përdorni për t’u pasuruar ose për t’u zbavitur. Duhet t’i afroheni me përkulje dhe me seriozitet të madh dhe me vullnetin për të parë se çfarë në të vërtetë do të thotë për ju dhe për botën.

Duhet t’i flasë njerëzve nga të gjitha traditat fetare dhe nga të gjitha kombet dhe kulturat.

Duhet të jetë e lirë nga çfarëdolloj pronësie nga ndonjë intitucion fetar matanë asaj që Lajmëtari ka themeluar për ta marrë, për ta përgatitur dhe për t’ia paraqitur botës.

Ai do të ketë nevojë për ndihmën tuaj. Por duhet që të mësoni nga Shpallja dhe ta zbatoni në jetën tuaj për ta kuptuar. Nuk mund të rrini mënjanë dhe ta kuptoni, sepse nuk është e mundshme me një Shpallje të madhe të dërguar nga Qielli për mirëqenien dhe ruajtjen e botës.

Qoftë bekimi mbi Lajmëtarin dhe mbi të gjithë ata që do ta ndihmojnë atë gjatë viteve që i ngelen në botë. Dhe e merrshin në kohë ata që do ta kenë guximin, përulësinë dhe nevojën e madhe për ta kuptuar rëndësinë e saj të domosdoshme, për jetën e tyre dhe për të ardhmen e kësaj bote.

 

3. Urgjenca Globale

Siç i është shpallur
Lajmëtarit të Zotit
Marshall Vian Summers
më 20 tetor 2015
në Boulder, Kolorado

Njerëzimi ndodhet në pragun e një ndryshimi global të madh, ndryshim global në një shkallë të paprarë, i shkaktuar nga keqpërdorimi dhe mbipërdorimi i botës nga njerëzimi, nga injoranca dhe lakmia njerëzore. Është një gjendje që do të ndikojë tani në jetën e çdo personi.

Megjithëse pak njerëz janë të vetëdijshëm për të, bëhet fjala për një urgjencë globale. E keni ndryshuar përbërjen kimike të atmosferës, të ujërave dhe të tokave. Dhe tani bota po ndryshon – po ndryshon aq shpejt, në mënyrë aq të rrezikshme, po ndryshon tani në mënyra që do të ndikojnë tek ju më shumë sesa e përfytyroni.

Mesazhi i Zotit për botën duhet t’i bjerë alarmit dhe të japë përgatitjen për një realitet botëror të ri. Është një kohë dhe një prag që do t’i thërrasë shumë njerëz matanë jetës së tyre të vetë-preokopuar, matanë vuajtjes dhe hutimit të tyre personal, për të shërbyer një botë në rrezik.

Kjo është një nga arsyet pse ka një Ndërhyrje nga universi matanë jush, sepse ata që e vlerësojnë këtë botë për veten e tyre e shohin se çfarë po ndodh. Ata e kanë analizuar atmosferën e botës. E kuptojnë se çfarë njerëzimi i ka bërë ajërit, ujërave dhe tokave të saj. Sepse kjo ka ndodhur herë të panumërta në univers. Është diçka e kuptuar mirë aty. atëherë tani ka një garë për të fituar kontrollin e botës, për ta ruajtur për përdorimin e atyre që vijnë nga matanë botës. Është e lidhur drejtpërdrejt me këtë, e shihni.

Është një urgjencë globale në një shkallë që ende s’e keni kuptuar. Ka fuqinë për ta shkatërruar qytetërimin njerëzor. Ka fuqinë për të sjellë një ndërhyrje nga matanë botës. Ka fuqinë për të krijuar kaos këtu në një shkallë të paparë.

Do t’ju duhet tani që të ndiqni një fuqi më të thellë brenda jush, sepse gjithmonë e më shumë do të ketë tension kudo rreth jush dhe kudo rreth botës, ndërkohë që komunitetet njerëzore tendosen në një pikë thyerje, ndërkohë që armiqësitë e vjetra tani fillojnë të përhapen dhe të përmbysin kombet dhe rajonet, ndërkohë që konkurrenca për burimet që ngelen bëhet e ashpër dhe e rrezikshme, duke prodhuar konflikte dhe acarime në një shkalë të paparë.

Për disa, kjo do të duket si fundi i botës, plotësimi i një profecie të vjetër, sikur të ishte e gjitha vepra e Zotit. Por Zoti nuk është autori i kësaj urgjence globale. Zoti është dëshmitari. Ky është rezultati i injorancës, egoizmit, dritëshkurtërsisë njerëzore dhe mungesës së të kuptuarit të së ardhmes dhe të veprimeve të veta.

Zoti tani duhet ta paralajmërojë njerëzimin për rrezikun e madh që ka krijuar, për mjerimin e madh që ka vënë në lëvizje. Sepse brenda kësaj kohe, njerëzimi mund të përgatitet dhe t’i zbusë pasojat e veprimeve të tij.

Nëse dështon për ta bërë këtë, atëherë qytetërimi njerëzor do të jetë i rrezikuar kudo, në çdo komb. Ekonomitë do të falimentojnë. Miliona njerëz do të jenë papunë. Miliona njerëz do të duhet të ikin nga atdheu i tyre, i cili do të bëhet shterp dhe i pabanueshëm.

Kjo është arsyeja pse Shpallja e Re e Zotit duhet t’i bjerë alarmit, duhet ta japë këtë paralajmërim. E keni ndryshuar klimën e botës. Tani po ndryshon vetvetiu. Do të vazhdojë të ndryshojë. Do të shkaktojë thatësira, përmbytje dhe privim. Do të falimentojë ekonomitë e vendeve që do të duhet të merren me pasojat dhe me ngjarjet – fatkeqësitë që tani do të jenë gjithmonë e me të shpeshta dhe gjithmonë e më shkatërruese.

Është një kohë ku njerëzimi do të duhet të bashkohet për të ruajtur botën dhe për ta shpëtuar vetveten. Zoti këtu po ju jep Paralajmërimin, Bekimin dhe Përgatitjen për ta shpëtuar vetveten, për të shpëtuar kombin tuaj, për t’i shpëtuar familjet tuaja dhe komunitetet tuaja, për të shpëtuar qytetërimin njerëzor.

Nuk mund të zbrisni në kaos, sepse kjo do të arxhojë atë që ngelet nga burimet e botës, duke lënë një shkallë varfërie që nuk mund ta përfytyroni dot.

Asambleja Engjëllore që mbikëqyr këtë botë e ka parë këtë duke ardhur. Dhe po afrohet aq shpejt tani, duke u shpejtuar vetvetiu dhe duke u shpejtuar më tej nga kontaminimi i vazhdueshëm të ajërave, të ujërave dhe të tokave – duke vënë në lëvizje forca të cilat ende nuk i kuptoni plotësisht; duke vënë në lëvizje forca ndryshimi dhe trazire që do të veprojnë kundër njerëzimit, që do ta kërcënojnë njerëzimin tani.

Është gara për të shpëtuar qytetërimin njerëzor. Është një garë në të cilën duhet të merrni pjesë. Është një thirrje për bashkëpunim dhe unitet njerëzor për të përballuar një realitet të paparë këtu në botë në kohën e qytetërimit njerëzor.

Zoti e di se çfarë po vjen. Asambleja e di se çfarë po vjen nëse njerëzimi nuk përgatitet. Sepse kjo ka ndodhur herë të panumërta në univers, ku bota të rralla dhe të bukura si kjo janë shkatërruar nga injoranca e popullsisë vendase, të shpërdoruara, të plaçkitura dhe të kontaminuara deri në pikën ku mjedisi natyror fillon të bjerë.

Nuk mund t’ia lejoni vetes këtë. Duhet ta shihni. Duhet ta përballoni. Duhet ta keni guximin, ndershmërinë dhe përulësine për ta përballuar. Tani vetëm një rrezik i madh, vetëm një sprovë e madhe, vetëm një oportunitët i madh për unitet dhe bashkëpunim njerëzor, të lindura tani nga domosdoshmëria, do ta thërrasin Zotin për t’i folur botës përsëri.

Ora është vonë. Njerëzimi është vonuar shumë gjatë. Është një krizë e parashikuar nga ata që janë largpamës dhe të informuar mirë. Mos mendoni se ka ndonjë problem tjetër përballë njerëzimit që mund të krahasohet më atë që Ne po themi sot këtu. Mos mendoni se ka ndonjë nevojë ose kërkesë tjetër të madhe që e tejkalon atë që Ne po themi këtu sot. Është një paralajmërim i madh. Është mbi ju.

Qytetet bregdetare dhe portet e botës mund të përmbyten brenda 30 vjet. Tokat do të thahen. Korrat do të dështojnë. Do të ketë migracione njerëzore në një shkallë të paparë, me sprova dhe konflikte të mëdha që do të shfaqen. Do të jetë një situatë dërmuese nëse njerëzimi nuk përgatitet.

Është gjëja më e rëndësishme në botë. Do të kërkojë të gjitha burimet, talentet, aftësitë dhe bashkëpunimin e njerëzimit për ta përballuar dhe për ta siguruar të ardhmen e njerëzimit në një botë që tani është ndryshuar dhe është bërë më e vështirë dhe më e rrezikshme. Do të jetë përpjekja njerëzore më e madhe në historinë e kësaj bote.

Por njerëzimi duhet të bashkohet. Duhet t’i japë fund tani konflikteve të tij të pafundme dhe konkurrencës së tij shkatërrimtare për të bashkëpunuar, përndryshe kombet do të bien si domino. Dhe kriza e tyre do të jetë aq dërmuese, saqë do ta tejkalojë kapacitetin e njerëzimit për t’u marrë me të në të ardhmen nëse njerëzimi nuk mund dhe nuk do të përgatitet. Kemi folur për këtë vezhdimisht, por kriza po rritet. Po përshkallëzohet.

Zoti e do njerëzimin, përndryshe do të kishte parë në drejtimin tjetër dhe do ta linte frytin e hidhur të veprimeve tuaja t’ju ballafaqonte dhe t’ju zinte në befasi. Por Zoti e do këtë botë dhe do që ta bëjë një botë të lirë dhe përparimtare në një univers ku liria është e rrallë dhe ku bota si kjo janë të rralla dhe të vështira për t’u gjetur.

Raca nga matanë botes e kanë përballuar këtë situatë. Njihet mirë, dhe kjo është arsyeja pse shfrytëzimi i tokës tani dhe ndërhyrja janë të ndërmarra me aq vendosmëri, të ndërmarra pa përdorimin e forcës. Sepse ato pak kombe që marrin pjesë në këtë nuk duan ta degradojnë botën më tej përmes konfliktit dhe do të mbështeten në fuqinë punëtore dhe në bashkëpunimin njerëzor për të fituar kontrollin këtu. Nuk duan ta shkatërrojnë njerëzimin, por duan ta përdorin për qëllimet e tyre. Dhe meqë pushtimi nuk është i lejuar në këtë pjesë të universit, mënyra të tjera duhet të përdoren: mashtrimi dhe bindja, armë shumë më të fuqishme nga sa e përfytyroni.

Njerëzit janë të konsumuar me vetveten. Janë të fiksuar me vetveten. Të pasurit janë të zënë në një rrjet lakmie, konfuzioni dhe zhgënjimi. Të varfërit mundohen të mbijetojnë me një vështirësi gjithmonë e më të madhe. Qeveritë janë të angazhuara në mbajtjen e një realiteti që vetëm mund ta degradojë botën më tej.

Mos mendoni se do të jetë e lehtë. Mos mendoni se do të kërkojë vetëm pak gjëra për ta ndryshuar drejtimi në të cilin njerëzimi ndodhet tani. Mos mendoni se ka zgjidhje të lehta dhe basike. Do të duhen një mijë zgjidhje, dhe ju keni vetëm disa. Do të duhet t’i gjeni të tjerat, dhe do të duhet mundim dhe bashkëpunim njerëzor të madh për ta mundësuar këtë.

Po jetoni në një urgjencë globale. Mos mendoni se kjo nuk do të ndikojë tek ju dhe në jetën tuaj në mënyrë të thellë dhe të plotë. Mund t’i falimentojë ekonomitë tuaja. Mund të sjellë uri masive dhe vdekje. Mund të sjellë luftë, luftë të vazhduesme, në një shkallë të paparë. Mund të sjellë fatkeqsira aq të ashpra dhe të vazhdueshme, sikur natyra po turrej kundër njerëzimit, e rrezikuar nga ajo që ka krijuar njerëzimi – bota që ka krijuar, ndryshimi që ka krijuar, skatërrimi që ka krijuar – që ia ka sjellë qenieve të tjera të gjalla, e tani vetvetes.

Kjo është një thirrje për çdo komb, për çdo fe. Zoti e ka dhënë përgatitjen thelbësore, e cila tani duhet të ndodhë nëse njerëzimi do ta ketë guximin, vendosmërinë dhe vizionin për të parë se çfarë duhet bërë, për të vepruar ashtu siç duhet vepruar dhe për të ndërtuar bashkëpunimin që duhet ndërtuar.

Nuk është e mjaftueshme që të fokusoheni vetëm për t’i dhënë fund varfërisë, ose për të sjellë drejtësi më të madhe atje ku është e nevojshme në aq shumë vende. Nuk është e mjaftueshme vetëm që të përdorni botën në mënyrë më të mençur. Nuk është e mjaftueshme vetëm që t’i jepni fund ndotjes.

Do t’ju duhet ta ftohni planetin – një punë larg matanë gjithçka që është arritur ndonjëherë më parë, por megjithatë e arritshme. Por do të kërkojë një rishpërndarje të burimeve, një ridrejtim të vullnetit dhe të qëllimit njerëzor, një përdorim të madh të të gjitha shkencave dhe aftësive njerëzore.

Do t’ju duhet ta ftohni planeti. Do të ndryshojë gjithçka që njerëzimi po bën tani. Do t’ju duhet t’i rimbjellni pyjet, t’i restauroni tokat, t’i pastroni lumenjtë. Njerëzit do të duhet të jetojnë në mënyrë shumë të thjeshtë, sepse e gjithë pasuria e botës do të shpenzohet në këtë.

Nuk ka asnjë vend për t’u fshehur për të pasurit. Nuk ka asnjë izolim të vërtetë për të privilegjuarit; sepse gjithçka që kanë do të kërcënohet nga gjërat që Ne po flasim këtu sot.

Është Dashuria e madhe e Zotit që po jau sjellë këtë paralajmërim. Mos mendoni se është i ekzagjeruar në çfarëdolloj mënyre, sepse Ne as nuk po jau tregojmë të gjitha. Dhe Ne nuk po jau tregojmë të gjitha, sepse ende nuk e keni aftësinë, guximin dhe vendosmërinë për ta dëgjuar dhe për ta përballuar.

Shumë njerëz nuk do ta marrin parasysh atë që Ne po ju themi. Shumë njerëz nuk do të përgjigjen. Dhe do të rrëzohen kur Dallgët e Medha do të godasin – të pavetëdijshëm, të papërgatitur – sepse nuk i panë duke ardhur, dhe nuk e morën në konsideratë paralajmërimin, dhe nuk i dalluan shenjat.

Ndryshojeni jetën tuaj. Thjeshtojeni jetën tuaj. Perdorni sa më pak nga burimet e botës që të mundeni. Bashkëpunoni. Falni. Dijeni se çfarë po ndodh në botë. Shiheni krizën e madhe që po vjen në horizont. Shihni me sy objektiv dhe të ndershëm dhe më aq shumë guxim sa mund të grumbulloni.

Zoti jua ka dhënë forcën dhe vendosmërinë e madhe për ta përballur situatën – oportuniteti më i madh në të gjithë historinë njerëzore, oportuniteti që do të përcaktojë të ardhmen e çdo personi, të fëmijëve tuaj dhe të gjeneratave tuaja të ardhme. Zoti jua ka dhënë fuqinë dhe vendosmërinë në nivelin e Dijes, Dija që jeton brenda jush matanë sipërfaqes së mendjes suaj, matanë intelektit dhe të gjitha preokupimeve dhe ankesave të tij.

Është në këtë nivel që njerëzit duhet të ndizen, përndryshe nuk do ta kenë guximin dhe vendosmërinë, guximin ose ndershmërinë ose dhemshurinë për të përballur diçka të kësaj madhësie. Dhe kjo është arsyeja pse Zoti po ju jep çelsin, ingredientin sekret, atë gjënë që do ta bëjë të gjithë ndryshimin – të gjithë ndryshimin në jetën tuaj si individ dhe të gjithë ndryshimin në jetën e njerëzimit në përgjithësi. Sepse Zoti ka vendosur një Dije të thellë brenda jush. Dhe kjo nuk është e korruptuar ose e kontaminuar nga bota dhe të gjitha iluzionet dhe tragjeditë e saj, vuajtjet dhe degradimet e saj.

Zoti jua ka dhënë fuqinë që do t’ju duhet. Është e dhënë në Shpalljen e Re të Zotit për botën, ndoshta Shpallja më e rëndësishme e dhënë ndonjëherë – e dhënë tani për të shpëtuar njerëzimin nga vetvetja; e dhënë tani për të shpëtuar qytetërimin njerëzor; e dhënë tani për t’i shpenguar të gjithë ata që mund t’i përgjigjen; e dhënë tani me urgjencë të madhe, paralajmërim të madh, por edhe me Bekimin e madh nga Krijuesi. Sepse Zoti nuk do t’ju shohë të dështoni në oren e nevojës më të madhe.

Mos u tërhiqni në jetën tuaj të vogël të frikshme. Mos u tërhiqni në hije. Mos u preokuponi me gjëra të vogla, ose me romanca të pamend që nuk kanë ku të venë në një botë në ndryshim.

Kjo është një thirrje për të përballuar rastin më të madh në histori. Është një thirrje dhe një nevoje aq e madhe dhe aq e thellë saqë po ta dallonit edhe pjesërisht, do t’jau ndryshonte plotësisht prioritetet, veprimet dhe synimet tuaja.

Dallgët e Mëdha të ndryshimit do të zbulojnë korrupsionin njerëzor, mashtrimin njerëzor, injorancën dhe budallallëkun njerëzor. Por ato kanë edhe fuqinë për të gjeneruar një forcë aq të madhe, që forca më e madhe, qëllimi më i madh dhe dhurata më e madhe e njerëzimit nga Krijuesi mund të aktivizohet dhe të sillet në shërbim të madh për botën.

Por për të parë zgjidhjen, duhet ta shihni sfidën. Duhet ta shihni urgjencën globale. Dhe duhet të jeni pjesë në të, sepse jeni pjesë në të. Duhet ta gjeni vendin dhe rolin tuaj. Duhet të jeni të përgatitur përmes Shpalljes. Duhet të fitoni sytë për të parë dhe veshët për të dëgjuar. Nëse mund ta bëni këtë, roli juaj individual do të fillojë të dalë me ngadalë ndërsa e vëni jetën tuaj në regull dhe fitoni vizionin për të parë se çfarë po ndodh në botën tuaj dhe në jetën tuaj.

Mos kërkoni ndriçim. Mos kërkoni shpëtim, sepse nuk ka shpëtim. Ka vetëm kontributë dhe bashkëpunim, ose ka dështim dhe katastrofë.

Qoftë kjo kuptueshmëria juaj.

 

5. Gara për të shpëtuar qytetërimin njerëzor

Siç i është shpallur
Lajmëtarit të Zotit
Marshall Vian Summers
më 22 korrik 2009
në Halep, Siri

Ndërsa gjithçka duket normale këto kohë, Dallgët e Mëdha të ndryshimit po vijnë në botë, ndryshim në një nivel të paparë, ndryshim që do të ndikojë tek çdo njeri në botë. Më të mëdha se luftat botërore do të jenë. Më të mëdha se epidemitë e mëdha të së kaluarës do të jenë, Dallgë të Mëdha ndryshimi, ndërsa njerëzimi e ka plaçkitur botën dhe e ka shkatërruar trashgiminë e tij natyrore në një nivel aq të madh, saqë bota tani do të ndryshojë, duke u bërë një vend më i vështirë për familjen njerëzore.

Është dashur një kohë shumë e gjatë për t’i krijuar kushtet që do të sjellin Dallgët e Mëdha të ndryshimit. Dhe të gjithë kanë marrë pjesë në një farë mase, prandaj nuk ka një person, organizatë ose komb vetëm për të fajësuar plotësisht. Kombet e pasura kanë marrë më shumë, por të gjithë kanë marrë nga bota – edhe më të varfërit, që kanë marrë aq pak dhe që kanë aq pak. Të gjithë kanë përgjegjësi.

Është një situatë tani që duhet të merrni në konsideratë për të ardhmen dhe për të cilën duhet të përgatiteni në kohën e sotme. Sepse do të ketë migracione njerëzore të mëdha, tani që rajonet e thata të botës do të humbasin mundësinë për të prodhuar ushqim, tani që burimet e ujit do të rrallohen dhe konflikte midis kombeve dhe grupeve brenda kombeve do të lindin për të përcaktuar se kush do të ketë akses tek burimet që ngelen. Pavarësisht nga mënyra se si këto konflikte mund të maskohen si politike apo fetare, do të jenë kryesisht një luftë për burime natyrore.

Bota bën të njëjtën zhurmë – dridhjet dhe zhurma e një qyteti të madh. Është thjesht shenja e një ndryshimi të madh që po vjen, të cilin njerëzit nuk po e shohin sepse nuk i përgjigjen Dijes, Zgjuarsisë së thellë që Krijuesi i të gjithë jetës ka vendosur brenda çdo personi për ta udhëzuar, për ta mbrojtur dhe për ta sjellë në veprat e mëdha të jetës së tij.

Miliona njerëz do të duhet të largohen nga rajonet e thata të botës. Rajonet bregdetare do të përmbyten dhe do të preken nga stuhi jashtëzakonisht të fuqishme dhe nga mot i egër. Njerëzit do të duhet të lëvizin për arsye ekonomike, falimentimi i ekonomive lokale, dhe ndonjherë i ekonomive kombtare.

Ku do të shkojnë të gjithë këta njerëz, që nuk panë dhe nuk kuptuan? Kush do t’i pranojë në vendin e tyre? Kush do ta pranojë rrjedhjen e mijërave dhe milionave njerëz, të cilët do të duhet tani të lënë atdheun e tyre ose të shpërngulen brenda kombit të tyre?

Përçarja shoqërore do të jetë pamasë. Tensioni politik do të jetë pamasë. Thirrja për dhembshuri dhe për t’i dhënë fund grindjeve do të jetë pamasë. Do të jetë një tragjedi dhe një nevojë humanitare në një shkallë të paparë.

Sepse bota nuk mund të bjerë në kaos, përndryshe njerëzimi nuk do të ketë të ardhme. Me të vërtetë, ajo që është në lojë këtu është shpëtimi i qytetërimit njerëzor. Qytetërimi njerëzor që duket aq dominant, aq i fuqishëm dhe aq mirë i themelosur sot, të nesërmen dhe në ditët që do të vijnë do të duket gjithmonë e më i brishtë dhe i prekshëm.

Është vërtet tani një garë për të shpëtuar njerëzimin nga shembja dhe shkatërrimi. Kjo është diçka që çdo person mund të shohë pasi të jetë lajmëruar për Dallgët e Mëdha të ndryshimit, pasi të fillojë të dëgjojë zhurmat e botës dhe të shohë shenjat që prodhon bota. Njerëzit sot tashmë e ndjejnë se gjërat nuk janë normale, se gjërat nuk janë në rregull. Ka frika të mëdha në lidhje me perspektivën e njerëzimit në të ardhmen.

Dallgët e Mëdha të ndryshimit tashmë po fillojnë të ndikojnë në popujt e botës, duke zvogëluar ekonomitë e kombeve, duke i detyruar njerëzit në situata më të rënda tensioni dhe konkurrence. Sot tashmë ka luftë të madhe për të përcaktuar se kush do të ketë akses tek ushqimi, uji dhe burimet energjetike në shumë, shumë vende të botës.

Ende kush po shikon për shenjat, shenjat që Dallgët e Mëdha të ndryshimit janë tani duke ardhur? Kush po bën kujdes? Dhe nga ata pak që po bëjnë kujdes, kush ka kurajon dhe fuqinë për të parë se kjo është një thirrje – një thirrje për shërbim dhe kontributë; një thirrje për ta për të rikonsideruar jetën e tyre, rrethanat e tyre, aktivitetet e tyre dhe detyrimet e tyre?

Migracionet njerëzore do të jenë një nga problemet e mëdha që Dallgët e Mëdha të ndyshimit do të krijojnë. Në qytetet e mbipopulluara të vendeve të varfëra, ku do të shkojnë këta njerëz, dhe si do të jetojnë? A do të lihen të vdesin, nga lufta dhe nga uria? Kjo është diçka që disa njerëz në botë sot po fillojnë të marrin në konsideratë, sepse shenjat janë shumë të qarta.

Nuk është fundi për njerëzimin, por është një tranzicion në një botë të ndryshme – një botë të re, një botë me burime të pakësuara, një botë që do të ketë nevojë për bashkëpunim të jashtëzakonshëm midis kombeve nëse qytetërimi njerëzor mund të mbijetojë.

Popujt që do duhet të largohen nga zonat e prekura, do të duhet të thithen nga kombe rreth botës. Ata thjesht nuk mund të shkojnë tek vendi fqinj, sepse vendi fqinj ndoshta do të përballojë të njëjtën krizë. Do të jetë një diasporë e madhe, një shpërndarje popujsh larg mënyrës së jetesës së tyre tradicionale në një seri rrethanash shumë të ndryshme. Kjo do të krijojë tensione dhe vështirësi të mëdha.

Kryesore këtu është si do t’i ushqeni popujt e botës, kur bota do të humbasë 30 përqind të bujqësisë së saj, gjë e cila me të vërtetë po ju pret, e shihni? Moti i egër, ndryshimi i klimës dhe ndikimi mbi sistemet biologjike dhe gjeologjike të tokës do të sjellin aq shumë mosbalancim saqë edhe po të gjenit një shtëpi për të gjithë popujt e çvendosur, si do t’i ushqeni? Dhe banorët e vendeve mikpritëse, si do t’i përgjigjen të gjithë kësaj?

Këto janë pyetje që ende nuk kanë përgjigje, pyetje që duhet të merrni tani në konsideratë – ju që ndodheni në pragun e një ndryshimi të madh, ju që ndoshta e keni luksin t’i konsideroni këto gjëra, të planifikoni jetën tuaj dhe t’i riorganizoni prioritetet tuaja.

Qytetet do të mbushen aq shumë me njerëz, saqë do të jetë e vështirë për t’i furnizuar me ushqim ujë, edhe në vendet e zhvilluara, në vendet ku ka më shumë bollëk. Si do t’i ushqeni një milion njerëz të shtuar në një qytet tashmë me miliona njerëz. Qytetit të mbipopulluar, mund t’ia dëgjoni zhurmën. Sa mund të mbajë një qytet? Sa është limita e furnizimit të tij? Sa është toleranca e njerëzve të tij?

Situata do të bëhet aq e ashpër saqë edhe familjet në vendet e pasura do të duhet të konsiderojnë të marrin një familje nga një vend i varfër në shtëpinë e tyre. Sa veta do të duan ta bëjnë këtë? Sa keq do të duhet të bëhet gjendja, para që preferencat, paragjykimet dhe kërkesat personale të zëvendësohen nga një nevojë kritike?

Nuk do të ketë mjaft tepricë ushqimi thjesht për t’ia dërguar vendeve të prekura. Nuk do të ketë mjaft. Nëse njerëzimi humbet një përqindje të prodhimit të tij ushqimor, nuk ka rëndësi se sa para shpenzohen.

Bota po plaçkitet. A do të vazhdoni ta plaçkitni akoma gjithmonë e më shumë? Kjo është pasiguria e madhe në këtë situatë – si do të përgjigjet njerëzimi? Sa është përgjegjësia njerëzore – aftësia njerëzore për t’u përgjigjur? Edhe udhëheqësit e kombeve janë të verbër. Edhe udhëheqësit e institucioneve fetare janë të verbër. E shohin botën vetëm ashtu siç e kanë zakon ta shohin. E shohin botën vetëm ashtu siç e besojnë të jetë e vërtetë nga e kaluara. Por këto gjëra nuk do të jenë më të vërteta.

Do të ketë migracione njerëzore të mëdha nëpër botë. Disa prej tyre do të jenë normale, por një pjesë e madhe do të duhet të organizohet dhe të miratohet midis kombeve. Nëse kombet ia mbyllin derën popujve të çvendosur, do të jetë një tragjedi e paparë. Kjo tragjedi do ta zhytë botën në luftë dhe konflikt.

E gjitha kjo është e pashmangshme, e shihni, duke pasur parasysh qëndrimin e njerëzimit, përdorimin e tij të botës dhe marrëdhëniet e tij midis kombeve. Sigurisht do të arrini në një pikë ngopje. Sigurisht do të ndikoni tek bota në mënyrë të tillë që bota nuk do të përgjigjet në dobinë tuaj. Sigurisht do të arrini në një pikë krize.

Ka individë largpamës që e kanë parë se po vjen kjo. Por njerëzimi është i shurdhër, i vërbër dhe memec dhe vazhdon me dashje në ndjekjen e tij të pasurisë dhe të fuqisë – lehtë i korruptuar, lehtë i mashtruar, i dëshpëruar ndër të varfërve, i paaftë për të kontrolluar popullsinë e tij, i paaftë për të kontrollur përdorimin e tij të burimeve natyrore, i paaftë për të kufizuar konfliktet dhe paragjykimet e tij historike. Si një fëmijë kokëfortë, po shkon me vrull në të ardhmen – i pavëmendshëm, duke mos menduar përpara, duke mos shikuar përpara, vetëm duke plotësuar nevojat e ditës.

Në këtë moment mund të ndodheni në mes të një qyteti prej dy milion banorësh, dhe pas njëzet vjet do të jetë i shkretë. Çfarë do të ndodhë? Si do të përgjigjet bota?

Nëse mund të shihni pa frikë dhe paragjykim, do t’ju bëhët e qartë. Nuk keni nevojë të jeni gjeni për ta parë. Duhet vetëm të jeni të mençur dhe objektiv. Por si do të përgjigjen njerëzit është diçka që nuk mund të parashikoni. Sepse njerëzit mund të vendosin se si do të përgjigjen. Ka zgjedhje në këtë nivel.

Nuk mund t’i ndaloni Dallgët e Mëdha të ndryshimit. Mund t’i zbusni, ato dhe ndikimin e tyre, dhe mund të përgatiteni për to, por nuk mund t’i ndaloni dot tani.

Nesë njerëzit nuk mund të ndryshojnë në bazë të ndërgjegjes dhe vizionit të tyre të botës, atëherë do të duhet të ndryshojnë përballë situatave të vështira dhe krizave. Është një mënyrë mësimi e dobët, me siguri. Është edukimi i budallenjve, me siguri. Por edukimi duhet të ndodhë sepse njerëzimi duhet t’i adaptohet një bote në ndryshim, një bote në rënie.

Popujt e varfër të botës, çfarë mund të bëjnë tani për t’u përgatitur? Nuk kanë ndonjë fuqi shoqërore, ndonjë mobilitet shoqëror. Nuk mund të bëjnë thjesht plaçkat gati dhe të shkojnë në një vend të pasur. Janë të bllokuar. Janë të ngecur. Atëherë përgjegjësia qëndron tek popujt e pasur dhe tek kombet e pasura për të treguar rrugën. Por edhe në kombet e pasura, ka pak njerëz që mund të shohin. Njerëzit kudo, të pasur apo të varfër, shumë shpesh nuk duan ta rikonsiderojnë jeten e tyre dhe t’i ndryshojnë qëndrimet dhe parimet e tyre. Është një problem në zhvillimin njerëzor.

Bota do të ngrohet. Tokat do të hapen, por nuk do të mundeni të rritni një sasi të madhe ushqim mbi to. Dhe moti i egër do të jetë problem kudo – duke pakësuar burimet natyrore të kombeve, duke sjellë katastrofa njëra pas tjetrës.

Njerëzimi do të duhet të lëvizë në një tjetër lloj ekuilibri me jetën në të ardhmen, në një tjetër lloj stabilitet në botë. Pyetja e madhe që ju përballon është: çfarë do të ndodhë midis tani e atëherë? Nëse njerëzit janë të verbër dhe nuk i shohin Dallgët e Mëdha të ndryshimit duke ardhur në horizont; nëse njerëzit nuk duan ta rikonsiderojnë jetën e tyre, detyrimet e tyre dhe rrethanat e tyre; nëse nuk duan t’i tejkalojnë paragjykimet dhe inatet e tyre kulturore dhe kombtare, atëherë njerëzimi do të shkojë drejt një mjerimi të madh, ose një seri mjerimesh për të qenë më saktë.

Burri ose gruaja e Dijes e sheh këtë, me siguri. Nuk e mohojnë. Nuk mundohen të shohin një rezultat të preferuar. E shohin se çfarë po ndodh dhe i ndryshojnë rregullisht konkluzionet e tyre ndërsa situata ndryshon, me afrimin e Dallgëve të Mëdha. Sepse mund të jeni të sigurt se Dallgët e Mëdha janë duke ardhur, por nuk e dini se si do të ndikojnë tek bota ose kur do të godasin. Dhe pasiguria e madhe është si do të përgjigjet njerëzimi.

Atëherë burri ose gruaja e Dijes është duke parë – duke parë pa pasur ndonjë konkluzion fiks, duke parë pa e dënuar botën, duke parë pa e humbur shpresën, duke parë pa u bërë cinik ose mospërfillës, duke parë pa fajsuar udhëheqësit, individët ose kombet, duke parë për shenjat që po jep bota, për të treguar se si, ku e kur Dallgët e Mëdha do të godasin.

Burri ose gruaja e Dijes ka lëvizur në toka më të larta, në jetën e tyre të jashtme si dhe brenda vetes, duke e bazuar jetën e tyre mbi Dijen, Zgjuarsinë e thellë – një Zgjuarsi që nuk ka frikë nga bota, që nuk ka frikë nga ndrysimi dhe që mund të përballojë çdo gjë sepse është një zgjuarsi e dhënë nga Zoti. Është e urtë. Është e dhembshur. Është objektive.

Këtu, burri ose gruaja e Dijes nuk insiston për ndonjë zgjidhje, por përkundrazi është duke parë dhe duke inkurajuar sjellje pozitive, ndërgjegje pozitive dhe veprime pozitive. Por nuk mbështeten vetëm tek shpresa, sepse shpresa është shumë e dobët, shumë lehtë e thyer, shumë lehtë e zvogëluar dhe e shfryr.

Fuqia e tyre është fuqia e Dijes – një fuqi që nuk zvogëlohet përballë vështirësive ose pasigurive, një fuqi që nuk dobësohet nga tragjeditë ose krizat. Ata shohin në mënyrë të qartë dhe i përgjigjen në mënyrë të përshtatshme situatave të ndryshueshme që menjëherë shohin rreth tyre dhe në botë në përgjithësi. Ata nuk kanë frikë të shohin, sepse Dija është fuqia e tyre.

Për të gjithë të tjerët, do të ketë mohim në përgjithësi. Dhe ata pak njerëz që e shohin gravitetin e situatës do t’i bazojnë të gjithë shpresën e tyre në disa zgjidhje që të gjenerohen dhe të aplikohen. Ky do të jetë burimi i shpresës së tyre, por është një themel shumë i dobët. Sepse e gjithë baza e sigurisë së tyre bazohet në disa ngjarje dhe në disa ndryshime. Por këto ngjarje mund mos të ndodhin. Ndryshimet mund mos të ndodhin. Atëherë ku do të jenë ata, përveç në një gjendje dëshpërimi? Sepse themeli i tyre është i bazuar mbi rrethanat, jo mbi fuqinë e Dijes.

Do të kenë besim në disa udhëheqës, të cilët ata mendojnë se do t’i shpëtojnë. Por nuk ka asnjë udhëheqës në botë që mund t’i ndalojë Dallgët e Mëdha të ndryshimit. Do të besojnë në mirësinë e njerëzimit, por njerëzimi do të veprojë në mënyrë shumë të dobët, sidomos në fillim të Dallgëve të Mëdha. Do të besojnë në një ideologji, në një sistem ekonomik, në teknologjinë ose në përparime në shkencë, por kur këto do të duken të papërshtatshme ose të pamjaftueshme, shpresa e tyre do të shembet.

E shihni se sa e dobët është kjo, sa e bazuar është në ide ose abstraktime, ose në disa situata që të ndodhin, për të cilat në realitet ka shumë pak mundësi që të ndodhin? Optimizmi juaj nuk mund të jetë i bazuar mbi një rezultat të preferuar.

Bota po ndryshon. Duhet të ndryshoni me të. Duhet të lëvizni me të. Duhet ta vëzhgoni. Si një kapiten anijeje në det, duhet të vëzhgoni kohën dhe dallgët. Duhet të shikoni tek barometri. Duhet t’i përshtatni velat tuaja në përputhje me rrethanat. Nuk mund të uleni me nge dhe të besoni se gjithçka do të rregulohet, sepse kjo është një shpresë që fsheh frikë dhe pasiguri, dhe frika dhe pasiguria do ta mbytin anijen.

Kjo është arsyeja pse duhet ta keni themelin tek Dija. Zoti jua ka dhënë për të qenë piloti juaj, udhërrëfyesi juaj dhe busulla juaj. Pa të, do të keni vetëm ëndrra, shpresa, dëshira dhe fantazira për ta bazuar pikëpamjen tuaj pozitive, dhe asnjëra nga këto nuk do t’i mbijetojë Dallgët e Mëdha të ndryshimit. Do të zhgënjeheni. Do të frustroheni. Do të shqetësoheni. Do të inatoseni. Do të zhgënjeheni, e shini, sepse nuk e kishit një themel.

Teknologjia do të jetë e rëndësishme, por nuk do ta shpëtojë njerëzimin. Një sistem politik mund të preferohet mbi një tjetër, por nuk do ta shpëtojë njerëzimin. As nuk do të pranohet kudo në mënyrë të mjaftueshme për të sjellë bashkëpunimin dhe ndihmën që do të duhet.

Duhet të shikoni përpara, me sy të qarta, duke qenë të gatshëm për të parë çfarëdolloj gjëje që po vjen në horizont – pa e dënuar, pa e mohuar, pa pasur ndonjë konkluzion të menjëhershme. Si kapiteni i një anijeje në det, po vëzhgoni dhe po i përgjigjeni rrethanave të ndryshueshme.

Duhet ta keni këtë siguri të brendshme dhe fuqinë e Dijes për ta bërë këtë, përndryshe nuk do të jeni në gjendje ta bëni. Do të jeni në mohim. Do të mundoheni të fsheheni. Do të mundoheni të jetoni poshtë një guri. Do ta vëni të gjithë besimin tuaj në ndonjë nocion ose ideologji. Do t’i mohoni Dallgët e Mëdha si një pikëpamje negative në jetë. Do të jeni të verbër dhe budallenj duke pretenduar se jeni të zgjuar.

Budallalleku i njerëzimit është më tragjik kur është i fhehur poshtë një lustri racionaliteti dhe zgjuarsie. Do ta shihni këtë kudo rreth jush, me siguri. Do ta shihni mohimin. Do ta shihni fajësimin. Do t’i shihni mendimet ëndërrimtare. Do ta shihni besimin e verbër në shkencën dhe teknologjinë, në qeverisje të posatçme ose në një udhëheqës të veçantë.

Njerëzit i besojnë këto gjëra sepse nuk kanë një themel. Nuk kanë fuqi të brendshme të vërtetë. Mund t’i përballojnë vështirësitë në botë, por nuk e kanë qartësinë e mendjes për të parë se çfarë po vjen, çfarë po vjen drejt tyre dhe që do t’jau ndryshojë jetën. Atëherë i humbasin oportunitetet e mëdha të jetës. Nuk i shohin shenjat e jetës. Nuk i shohin paralajmërimet e jetës sepse nuk mund të  shohin me qartësi. Është një problem thelbësor për çdo person.

Njerëzit ankohen çdo ditë. Disa njerëz ankohen vazhdimisht. Por të ankohesh nuk është të shohësh. Të ankohesh nuk është të ndjekësh rrethanat e ndryshueshme të jetës suaj. Të ankohesh është të jesh si një bebe e vogël që vetëm qan e qan, ose si një fëmijë e vogël që bërtet kur nuk merr dot atë që do.

Atëherë, duhet të ndaloni të ankoheni dhe të filloni të shikoni, dhe të zhvilloni fuqinë për të parë dhe për të vëzhguar, ta pastroni mendjen tuaj nga gjykimet dhe dënimet. Merrini Hapat drejt Dijes për të ndërtuar lidhjen tuaj me zgjuarsinë e thellë që Zoti ka vendosur brenda jush, sepse është vetëm kjo zgjuarsi që do t’ju shpëtojë.

Arsyeja njerëzore pa Dije është vetëm mendim konvencional, i verbër dhe budalla, i pazoti për t’iu adaptuar rrethanave të ndryshueshme. Po bota mos të ndryshonte, mund të jetonit mbi një seri supozimesh. Por po përballoni ndryshimin më të madh që njerëzimi ka përballuar ndonjëherë, prandaj këto supozime tani do të bëhen rreziqë të mëdha për ju dhe për të gjithë rreth jush.

Ky paralajmërim është një dhuratë dashurie nga Krijuesi i të gjithë jetës. Është pjesë e një Mesazhi të Ri për njerëzimin, për ta përgatitur njerëzimin për Dallgët e Mëdha të ndryshimit, për ta përgatitur njerëzimi për hasjen e tij me jetën inteligjente në univers, për të sjellë Dije dhe Urtësi në botë që janë zhvilluar diku tjetër në univers, për të qartësuar marrëdhënien e njerëzimit me Perëndinë dhe natyrën e vërtetë të përgjegjësisë njerëzore.

E ardhmja dhe rezultati janë në duart e çdo personi, sepse çfarëdo që do të ndodhë do të jetë pasoja e vendimeve që njerëzit do të marrin. Pyetja që lind është: çfarë do të frymëzojë këto vendime? A do të jetë fuqia e Dijes, apo gjithçka tjetër që prezantohet si fuqi?

Mos mendoni se nuk keni fuqi në këtë drejtim, sepse e ardhmja juaj do të bazohet mbi vendimet dhe veprimet që do të merrni sot. Këto veprime do të varren nga njerëzit me të cilët shoqëroheni dhe ndikimi i tyre mbi ju.

Prandaj, Mesazhi i Ri nga Zoti ju jep përgjegjësi të mëdha dhe ju tregon se nuk mund t’iu shpëtoni ketyre përgjegjësive. I pasur apo i varfër, pavarësisht nga rrethanat tuaja, fuqia dhe prania e Dijes jeton brenda jush, në pritje për t’u zbuluar. Keni nevojë tani për të më shumë se për gjithçka tjetër – më shumë se për pasuri, më shumë se për siguri, më shumë se për rehat, më shumë se për kënaqësi, më shumë se për martesë, më shumë se për familje – më shumë se për gjithçka tjetër.

Pa Dijen do të jeni të verbër. Do të ndiqni frikat dhe manitë e njerëzve rreth jush. Do të ecni në të ardhmen pa ditur se çfarë po përballoni. Dallgët e Mëdha do t’ju zënë në befasi. Nuk do t’i shihni duke ardhur.

Kjo është thirrja e madhe tani për ndërgjegje dhe përgjegjësi njerëzore. Keni kohë, por jo shumë kohë. Keni kohë për ta rikonsideruar jetën tuaj, por jo shumë kohë. Keni kohë për të ndërtuar një bazë mbi Dijen, por jo shumë kohë. Keni kohë për të mbledhur fuqitë dhe rezervat tuaja. Keni kohë për të filluar të vëzhgoni nga kulla e vëzhgimit për të parë se çfarë po vjen drejt jush, çfarë po vjen në horizont – në rajonin tuaj si dhe në botë në përgjithësi

Këtu, në vend që të keni bisedime intelektuale dhe teorike, duhet që të përgatisni jetën tuaj dhe marrëdhëniet tuaja kryesore. Ideologjia juaj madhështore nuk do të ketë asnjë kuptim përballë Dallgëve të Mëdha të ndryshimit. Një dijetar mund të mbytet ashtu si një budalla.

Ky është një mesazh i fuqishëm për t’ju zgjuar, për t’ju nxjerrë nga memdimet tuaja preferenciale dhe të kushtëzuara, nga qëndrimet dhe supozimet tuaja, besimet tuaja dhe të gjitha gjërat që i shmangeni që tani duhet të shihni.

Zoti do që njerëzimi të mbijetojë dhe të ecë përballë Dallgëve të Mëdha të ndryshimit, por çfarë do Zoti dhe çfarë do të bëjnë njerëzit nuk është e njëjta gjë, e shihni. Kjo është arsyeja pse Zoti duhet të dërgojë tani një Mesazh të Ri në botë, për ta përgatitur njerëzimin për një të ardhme që do të jetë ndryshe nga e kaluara dhe për t’ju përgatitur, jo vetëm për t’i mbijetuar Dallgët e Mëdha të ndryshimit, por për të qenë kontributor brenda tyre, sepse kjo është arsyeja pse keni ardhur në botë.

Në një nivel më të thellë, e dini këtë. Është e qartë. Ka qenë gjithmonë e qartë. Në një nivel më të thellë e dinit se do të hynit në botë në kohën e një ndryshimi dhe një rrëmuje të mëdha. Nuk ka ndonjë dyshim këtu. Nuk ka ndonjë mosmarrëveshje këtu.

Është qëllim dhe misioni juaj tani që të bëheni kontributor përballë Dallgëve të Mëdha të ndryshimit. Por kjo ndërgjegje dhe kjo siguri ndodhin në një nivel më të thellë në mendjën tuaj, poshtë sipërfaqes së mendjes në të cilën jetoni, mendoni dhe e kaloni jetën tuaj.

Atëherë, Ne po i bëjmë thirrje përgjegjësisë suaj, llogaridhënies suaj dhe ndershmërisë suaj, për të qenë me të vërtetë të sinqertë me vetveten, për të nderuar atë që thellësisht dini, për ta zbuluar, atë dhe çfarë do të thotë dhe si do t’jau drejtojë jetën nga kjo ditë përpara. Për këtë, keni bekimin Tonë. Për këtë, keni të gjithë Fuqinë e Krijimit.

 

3. Angazhimi

Siç i është shpallur
Lajmëtarit të Zotit
Marshall Vian Summers
më 16 prill 2011
në Boulder, Kolorado

Sot do të flasim për Zotin, Autoritetin e Lartë.

Autoriteti i Lartë po ju flet tani, përmes Pranisë Engjellore, i flet pjesës suaj që është qendra dhe  burimi i Qenies suaj. Ju flet matanë kondicionimit tuaj shoqëror, matanë ideve dhe besimeve tuaja, dhe matanë ideve dhe besimeve të kulturës suaj, madje edhe të fesë suaj.

Autoriteti i Lartë ka një Mesazh për botën dhe për çdo person në botë. Mesazhi është më shumë se një ide. Është edhe më shumë se një seri idesh.  Është një thirrje dhe një konfirmin, që ju thërret për t’u përgjigjur dhe që konfirmon se ka një natyrë të thellë brenda jush dhe brenda gjithë njerëzve në botë. Konfirmimi është një pikë kthese në aftësinë tuaj për t’u përgjigjur.

Fuqia dhe Prania udhëheqin mbi universin fizik, një univers më i madh dhe më i shtrirë sesa ndoshta mund ta përfytyroni, edhe matanë universit fizik në fushat e mëdha të Krijimit, gjë që është diçka që shumë pak njerëz në botë kanë menduar të mundshme.

Autoriteti i Lartë ju flet në vendin tuaj më privat, qendra e Qenies suaj, thellë poshtë sipërfaqjes së mendjes suaj.

Kjo është marrëdhënia juaj më e madhe dhe Burimi i kuptimit dhe qëllimit në të gjitha marrëdhëniet tuaja me njerëzit, me vendet, madje edhe me gjërat.

Keni nevojë tani që ky Autoritet i Lartë t’i flasë pjesës suaj të thellë, për t’ju bashkuar me pjesën tuaj të thellë, për t’ju përgatitur për të jetuar në një botë të re dhe për t’ju angazhur me një univers jete inteligjente, i cili është Komuniteti i Madh i jetës. Nuk i dini këto gjëra, por bëjnë pjesë tek ju.

Ndoshta e keni ndjerë natyrën tuaj të thellë në kohë qartësie, në kohë parandjenje, ndoshta edhe në kohë zhgënjimi, kur keni pasur mundësinë të dëgjoni matanë dëshirave dhe frikave tuaja, dhe matanë dëshirave dhe frikave të të tjerëve,

Autoriteti i Lartë po ju bën thirrje, nëpër Korridoret e Lashtë të mendjes suaj, ju bën thirrje matanë besimeve dhe preokupimeve tuaja.

Sepse Zoti ka folur përsëri dhe Fjala dhe Zëri janë në botë. Është një komunikim i thellë, shumë më i thellë sesa intelekti juaj mund të kuptojë.

Flet për një qëllim më të madh, një përgjegjësi më të thellë dhe një shoqëri më të madhe, si brenda dhe matanë kësaj bote. Dhe përmes kësaj lidhjeje, ju bëheni një urë – një urë për tek bota, një urë për tek Shtëpia juaj e Lashtë, nga e cila keni ardhur dhe tek e cila do të ktheheni.

Njerëzit duan shumë gjëra. Kanë frika të mëdha – frikën e humbjes, frikën e të mos paturit, frikën e privimit, frikën e sthypjes, frikën e dhimbjes dhe vuajtjes, dhe dhimbjes së vdekjes.

Por Autoriteti i Lartë flet matanë gjithë ketyre gjërave. Është Krijuesi që i flet Krijesës.

Krijesa brenda jush është mendja e thellë të cilën Ne e quajmë Dije. Është pjesa juaj e përhershme. Është pjesa që ekzistonte para kësaj jete dhe që do të ekzistojë pas kësaj jete, duke udhëtuar nëpër fushat e Ndarjes, e udhëzuar vetëm nga fuqia e Zërit.

Njerëzit duan shumë gjëra. Kanë frika të mëdha. Shumë njerëz kanë besime fikse. Por Autoriteti i Lartë i flet matanë ketyre gjërave të gjithëve që mund të shohin dhe të dëgjojnë dhe që mund të përgjigjen në një nivel të thellë.

Ju nuk mund ta vlerësoni këtë. Është më e madhe se mendja juaj. Nuk mund ta debatoni, sepse është matanë aftësive tuaja.

Është misterioze sepse është e thellë. Origjinën e ka matanë kësaj dhe të gjitha botëve, prandaj nuk mund ta përfytyroni.

Por eksperienca është aq e thellë, saqë mund të ndryshojë drejtimin e jetës suaj dhe t’ju zgjojë nga ëndrra e Ndarjes, për t’ju thirrur jashtë preokupimeve tuaja, shoqërisë suaj dhe gjithçka tjetër, në mënyrë që mund ta dëgjoni Zërin e Lashtë, aq i lashtë sa flet për një jetë matanë kuptueshmërisë suaj. Por një jetë që është jeta juaj.

Zoti e di se çfarë po vjen në horizont. Zoti e di pse jeni këtu. Zoti ju ka dërguar këtu për një qëllim. Planet dhe synimet tuaja rrallë e marrin këtë parasysh.

Është diçka më e madhe. Është diçka më e thjeshtë dhe më pak madhështore. Është diçka thelbesorë për Qenien tuaj, për natyrën tuaj dhe për synimin tuaj.

Është marrëdhënia më kryesore që keni, dashuria më e thellë, prirja më e madhe. Ju bashkon me veten tuaj dhe e sjell jetën tuaj në fokus.

Ju thërret jashtë situatave të dëmshe ose që nuk kanë ndonjë shpresë për ju. Ju thërret në një pjesëmarrje më të madhe në botë, të udhëzuar nga Zëri i Lashtë misterioz, një Zë ndryshe nga çdo gjë që keni dëgjuar ndonjëherë, më i thellë se çdo gjë që keni ndjerë ndonjëherë, me i madh se çdo gjë që mund të shihni ose prekni.

Njerëzit duan shumë gjëra. Janë të nxitur nga frika të mëdha. Edhe kënaqësitë e tyre janë plot me frikë dhe ankth.

Mirëpo Zëri i Lashtë është matanë frikës, dhe kur përgjigjeni jeni matanë frikës.

Kush mund të thotë se çfarë është kjo? Kush mund ta përcaktojë ketë?

Mos jini budalla të mendoni përsa i përket produktivitetit. Mos jini analitik. Sepse kjo ndodh në një nivel më të thellë.

Mos u tërhiqni nga kjo. Sepse kjo është jeta juaj, qëllimi juaj dhe thirrja juaj.

Prania dhe Hiri janë me ju. Por ju shikoni gjëra të tjera. Mendja juaj është diku tjetër. Ajo që ju shpengon dhe ju rikthen është me ju tani. Por ju shikoni në drejtimin tjetër.

Shpallja është në botë. Zoti ka ardhur përsëri me një Mesazh më të madh për njerëzimin dhe një përgatitje për një të ardhme të vështirë dhe të rrezikshme për familjen njerëzore.

Çfarë është kjo? Çfarë do të thotë? Pse po ndodh? Si mund të përgatitemi?

Vetëm Shpallja mund t’iu përgjigjet ketyre pyetjeve. Duke ndënjtur mënjanë, nuk mund t’i përgjigjeni ketyre pyetjeve.

Njerëzit duan shumë gjëra. Janë shumë të hutuar. Janë shumë të shqetësuar. Por nuk e dinë se ku janë ose ku po venë. Qëllimet e tyre janë për pjesën më të madhe qëllimet e shoqërisë. Nuk e dinë se ku po shkojnë në jetë, pse janë këtu, kush i ka dërguar, çfarë do t’i rikthejë, t’i plotësojë dhe t’i japë qëllim dhe drejtim në jetë.

Zëri i Lashrë po ju flet tani. Dhe do ta dëgjoni Zërin e Lashtë që do të përgjigjet brenda jush, sepse lidhja juaj është shumë e thellë. Është si lumenjtë që rrjedhin nëntokë poshtë shkretëtirës, lumenjtë nëntokësor me ujin më të pastër, por të cilët nuk mund të shihen nga sipërfaqja dhe nuk mund të gjenden, përveç me mënyra të tjera.

Ndërsa e jetoni jetën tuaj në sipërfaqe, thellë brenda jush jeni të lidhur me Perëndinë. Dhe kjo lidhje ndihet nëpërmjet Thirrjes dhe përgjigjes, duke ndjekur një Zë më të thellë dhe një drejtim më të madh.

Njerëzit pyesin Pse? Pse po ndodh kjo? Ata duhet të ndalen dhe të mësojnë të dëgjojnë për ta sjellë vëmendjen e tyre plotësisht në këtë moment, në mënyrë që mund të dëgjojnë, të ndjejnë dhe të shohin se Shpallja po i lëviz nga brenda.

Kështu i lëviz Shpallja, Shpallja brenda çdo personi. Kështu i flet Zoti botës në një kohë Shpalljeje. Kjo është marrëdhënie në nivelin më të thellë dhe më të rëndësishëm.

Ju nuk mund të shkëputeni nga Zoti. Sepse Zoti shkon kudo me ju. Zoti është me ju në çdo moment, në çdo aktivitet që bëni.

Vetëm në mendimet tuaja mund të shkëputeni, duke u lidhur me gjëra të tjera, duke u identifikuar me gjëra të tjera. Por Zëri i Lashtë është brenda jush, ju thërret për t’u përgjigjur, ju udhëzon, ju përmban.

Për të kuptuar parandjenjat tuaja të thella dhe nxitjet e zemrës suaj, duhet të filloni të dëgjoni. Dëgjoni brenda vetes suaj. Dëgjojeni botën pa gjykim ose dënim. Dëgjoni për shenjat e asaj që po vjen. Dëgjoni se si duhet të përgjigjeni. Dëgjoni se me kë duhet të jeni, dhe më kë mos të jeni.

Këtu ju nuk ndiqni frikën. Këtu nuk ka dënim. Këtu ka një kuptueshmëri më të madhe dhe një njohje më të madhe.

Zoti ka vendosur Dijen brenda jush për t’ju udhëzuar, për t’ju mbrojtur dhe për t’ju sjellë në një jetë dhe në një pjesëmarrje më të madhe në botë. Ndodhet matanë fushës dhe nivelit të intelektit. Ndodh në një nivel më të thellë.

Pasi filloni ta përjetoni këtë, filloni të fitoni një aftësi dalluese më të madhe. Bëheni më të kujdesshëm në lidhje me atë që bëni dhe me kë shoqëroheni. I dëgjoni të tjerët më në thellësi për të parë nëse mund të shoqëroheni me ta dhe se çfarë po ju komunikojnë.

Njerëzit besojnë shumë gjëra, por dinë shumë pak. Jetojnë në sipërfaqen e mendjes, e cila është e turbullt dhe kaotike dhe drejtohet nga erërat dhe pasionet e botës.

Besimet e tyre janë zëvendësim për marrëdhënien e thellë. Preokupimet e tyre janë shmangie të angazhimit të madh që janë të destinuar për të pasur.

Duke ndëjtur mënjanë, nuk mund të shohin. Nuk mund të dinë. Nuk mund të përgjigjen. Janë të dominuar nga mendimet e tyre, mendja e tyre dhe reagimet e tyre. Ata janë skllevër, jetojnë në mënyrë skllavërore.

Por Misteri është brenda tyre. Është gjëja më e rëndësishme në jetë. Matanë arritjes së synimeve, sigurimit të pasurisë, të marrëdhënieve dhe të mirënjohjes në shoqëri, është gjëja më e rëndësishme sepse është fusha e një angazhimi më të madh.

Misteri është burimi i çdo gjëje të rëndësishme. Të gjitha shpikjet dhe kontributat e mëdha, marrëdhëniet e mëdha, përvojat e mëdha – të gjitha vijnë nga Misteri – kush jeni, pse jeni këtu, çfarë po ju thërret, marrëdhëniet tuaja të mëdha, fati juaj me disa njerëz në botë, aftësia juaj për të gjetur rrugën tuaj ndërsa të gjithë rreth jush janë në gjumë, duke ëndërruar dhe të pandjeshëm. Kjo është një rrugë që duhet të merrni, përndryshe jeta juaj do të jetë një ëndërr e turbullt dhe asgjë më tepër.

Kur të ktheheni tek Familja juaj Shpirtërore, pasi ta keni lënë këtë botë, ata do t’ju shohin për të parë nëse e keni kryer detyrën tuaj, nëse e keni krijuar lidhjen e thellë. Dhe do ta dini nëse e keni kryer apo jo.

Këtu nuk ka gjykim ose dënim, vetëm mirënjohje. Këtu ajo që ishtë misterioze më parë bëhet realiteti vetë dhe prioritetet tuaja janë të qarta. Nuk ka hutim. Nuk ka rezistencë.

Dhe do të doni të ktheheni, duke i thënë vetes, “këtë herë do ta mbajë mend. E di tani. Mund ta shoh tani. Do ta mbajë mend.”

Por duhet që ta mbani mend ndërsa jeni këtu. Kjo e bën të gjithë ndryshimin. Ky është fillimi i çdo gjëje të rëndësishme. Kjo është pika kthesë e jetës suaj.

Është misterioze vetëm se jeni të ndarë nga ajo, të kapur në botën e formës, të humbur në botë, duke u rritur si individ, duke iu përshtatur një bote të vështirë dhe në ndryshim. Atëherë vjen diçka për t’jau kujtuar, dhe filloni të ndjeni se Misteri është me ju, dhe brenda jush dhe duke ndikuar tek ju.

Burimin e ka matanë realitetit fizik, sepse kush jeni është nga matanë realitetit fizik. Atje ku do të shkoni përfundimisht është matanë realitetit fizike. Por jeni të përcaktuar për të qenë këtu sepse jeni dërguar këtu për një qëllim. Ky është Misteri.

Ne flasim për këto gjëra për t’ju angazhur në një nivel më të thellë, për të thirrur atë që është autentike, për t’i folur asaj pjesës suaj që ju mezi njihni, e cila është pjesa juaj më e madhe. Kjo pjesë e juaj do të përgjigjet për shkak të angazhimit Tonë të lashtë.

Keni frikë nga kjo, por e dëshironi në të njëjtën kohë. Është një dëshirë e natyrshme, më e natyrshme se gjithçka tjetër që po bëni ose që mund të bëni në botë.

Ky është Angazhimi.

 

2. Recitimi

Siç i është shpallur
Lajmëtarit të Zotit
Marshall Vian Summers
më 1 prill 2011
në Boulder, Kolorado

Zoti ka folur përsëri.

Jemi Ne që e sjellim Mesazhin. Vullneti i Zotit është i paraqitur nëpërmjet Nesh.

Jemi matanë vlerësimeve tuaja, matanë teorive tuaja fetare dhe matanë spekulimeve tuaja personale.

Sepse imagjinata njerëzore mund të përfytyrojë vëtem nga ajo që përjeton në botën fizike. Por realiteti ekziston matanë asaj – matanë fushës dhe nivelit të intelektit.

Kjo është e vërteta nëpër univers, Komuniteti i Madh i jetës në të cilin jetoni.

Ne po sjellim Mesazhin e Madh për këtë kohë, nga Krijuesi i të gjitha universeve, për mbrojtjen e njerëzimit dhe për ruajtjen e botës.

Ne jemi ata që ju nuk mund të kuptoni. Por Ne jemi burimi dhe ndërmjetësit e asaj që njerëzimi duhet të kuptojë dhe të bëjë në emër të vet, atë që duhet të shohë, atë që nuk e ka parë, atë që duhet të dijë, atë që nuk e ka ditur, atë që duhet të bëjë, atë që nuk e ka bërë.

Ky është Mesazhi për këtë kohë. Kjo është kohë Shpalljeje.

Njëri është dërguar në botë për të marrë Shpalljen dhe për ta sjellë në ndërgjegjen njerëzore, një detyrë monumentale.

Të marrësh Mesazhin e Ri është të marrësh Shpalljen më të madhe që i është dhënë ndonjëherë familjes njerëzore.

T’ia prezantosh atë botës është një detyrë monumentale, një detyrë për Lajmëtarin dhe për të gjithë ata që do ta ndihmojnë për ta sjellë Shpalljen kudo që ka nevojë për të.

Ka nevojë për të kudo, sepse njerëzimi po përballon një rrezik të madh. Ka mbjellë farat e rënies së vet përmes shkatërrimit dhe degradimit të mjedisit të tij – ujërat e tij, tokat e tij, ajërin e tij – deri në pikën ku bota po fillon të ndryshojë, një ndryshim që do t’i sjellë sprova dhe shtrëngime botës së njerëzve dhe familjes njerëzore.

Njerëzimi po përballon një univers plot me jetë inteligjente. Do t’i duhet të përgatitet për këtë tani, sepse kontakti ka filluar – kontakti me ata që kërkojnë mundësinë për të përfituar nga një njerëzim i dobët dhe i konfliktuar.

Është koha e një ndryshimi dhe një pasigurie të madhe, ku fuqitë e huaja do të kërkojnë të fitojnë ndikim dhe ku njerëzimi do t’i bjerë pre injorancës, budallallekut dhe indulgjencave të veta.

Mesazhi është shumë i madh për t’u thënë në një fjali, por do t’ju sjellë më afër pranë Zotit dhe asaj që Zoti ju ka dërguar për të bërë, ju si individ, këtu në botë tani, gjë e cila është ndryshe nga ajo që besoni dhe imagjinoni sot.

Zoti ka sjellë urtësi nga universi për ta përgatitur njerëzimin për universin.

Zoti ka sjellë esencën e spiritualitetit në një formë të pastër – të pamjegullosur nga historia dhe manipulimet njerëzore, të papenguar nga politika, vullneti dhe korrupsioni njerëzor.

Ne sjellim Hapat drejt Dijes në mënyrë që mund të dini për mendjen e thellë që Zoti ka vendosur brenda jush për t’ju udhëzuar në një botë gjithnjë e më të rrezikshme.

Trazira të mëdha do të ndodhin tani dhe po fillojnë të ndodhin – fatqesësira natyrore të shkaktuara nga injoranca, keqpërdorimi dhe mbipërdorimi i botës nga njerëzimi.

Është një kohë për të bërë llogaritë, një kohë përgjegjësie, një kohë për t’i dhënë fund budallallekut dhe arrogancës.

Vetëm Zoti e di se çfarë po vjen.

Dhe Ne e kemi sjellë Mesazhin, një Mësazh prej një mijë mesazhe, një Mesazh prej një mijë mësime, një Mesazh mjaft i madh për t’ju zënë për pjesën tjetër të jetës suaj, një Mesazh mjaft i madh për t’i ridrejtuar përpjekjet, energjitë dhe ndërgjegjen njerëzore, në mënyrë që njerëzimi të ketë një të ardhme më të madhe se e kaluara, në mënyrë që njerëzimi t’i mbijetojë Dallgët e Mëdha të ndryshimit dhe ndërhyrjen dhe konkurrencën nga universi rreth jush.

Dëgjojeni këtë atëherë, jo me idetë, besimet ose gjykimet tuaja, por me mendjen e thellë që Zoti ju ka dhënë për të dëgjuar, për të parë, për të ditur dhe për të vepruar me një siguri më të madhe.

Fjalët Tona nuk janë për spekulim ose debat. Kjo është indulgjenca e budallenjve, të cilët nuk mund të dëgjojnë dhe nuk mund të shohin.

Jeni të tmerruar nga Shpallja, sepse do t’jau ndryshojë jetën. Por e dëshironi Shpalljen, sepse do t’jau ndryshojë jetën.

Është konflikti në mendjen tuaj që ju bën të verbër. Janë synimet që shkojnë në drejtime të ndryshme që ju mbajnë në një gjendje hutimi dhe që nuk ju lënë të shihni.

Jemi Ne që i kemi sjellë të gjitha Shpalljet në botë.

Sepse Zoti nuk flet. Zoti nuk është një person, personazh, personalitet ose ndërgjegje e vetme. Të mendoni këtë është ta nënvlerësoni Krijuesin dhe ta mbivlerësoni veten.

Jemi Ne që i folëm Jezusit, Budës, Muhamedit dhe të gjithë mësuesve dhe profetëve gjatë shekujve që kanë sjellë një qartësi më të madhe në botë – profetëve të të gjithë kohëve dhe Lajmëtarëve të cilët vijnë vetëm në pika kthese për njerëzimin.

Ju nuk mund të na adhuroni. Nuk do t’i dini emrat Tanë.

Sepse tani duhet që të bëheni të përgjegjshëm dhe të përdorni aftësitë dhe fuqinë që Krijuesi ju ka dhënë në shërbim të një bote me nevoja, trazira dhe vështirësi në rritje.

Mos iu përkulni Krijuesit nëse nuk jeni të gatshëm të kryeni atë që jeni dërguar këtu për të bërë, nëse nuk mund të merrni Hapat drejt Dijes, nëse keni arrogancën të mendoni se mund ta përcaktoni vetë fatin dhe plotësimin tuaj.

Mos jini hipokrit. Mos u ulni poshtë dhe të adhuroni një Zot të cilin nuk mund ose nuk do të shërbeni.

Është më mirë të jetoni një jetë të vetë-përcaktuar dhe t’i përballoni të gjitha rreziqet e saj, sesa të adhuroni një Zot që nuk mund të shërbeni.

Dhe nëse nuk mund t’i përgjigjeni Shpalljes, çfarë po bëni atëherë këtu tani?

Të gjithë Lajmëtarët u persekutuan. Të gjithë Lajmëtarët u keqkuptuan. Të gjitha Shpalljet e Reja u resistuan, mohuan dhe kundërshtuan.

Nuk ka kohë për këtë tani. Fati i njerëzimit do të përcaktohet në njëzet vitet që do të vijnë – kushtet e botës, kushtet e familjes njerëzore dhe fati dhe e ardhmja e qytetërimit njerëzor.

Nuk jeni më vetëm në botë, apo edhe në univers, me siguri. Nuk e dini se çfarë po ndodh dhe se çfarë po vjen në horizont sepse keni shumë frikë për të parë, dhe jeni shumë arrogant, duke supozuar se dini. Kjo është arsyeja pse Shpallja duhet të jepet për t’ju treguar se çfarë nuk mund të shihni dhe nuk dini, matanë spekulimeve dhe mendimeve njerëzore. Kjo është e përfshirë në të gjitha Mësimet e Mesazhit të Ri.

Ky është Mesazhi i Ri. Luftoni kundër tij dhe do të luftoni kundër pranimit të vetvetes suaj.

Sepse duhet të dini për mendjen e madhe dhe fuqinë e madhe që Krijuesi ju ka dhënë.

E mësuar në çdo fe, por e mjegulluar dhe e errësuar në çdo fe, kjo është që duhet të kuptohet tani.

Zoti nuk e administron botën. Zoti nuk i krijon fatkeqësitë, stuhitë, tërmetet, përmbytjet dhe thatësirat.

Zoti po vëzhgon për të parë se si njerëzimi do të përballë një botë të cilën e ka ndryshuar – një botë të re, një botë të re dhe të paparashikueshme.

Njerëzimi po hyn në një Komunitetin të Madh jete në univers sepse të tjerë janë këtu për të kërkuar ndikim dhe sundim në një botë me vlerë dhe me rëndësi të madhe.

Por njerëzit nuk shohin. Nuk dëgjojnë. Dhe kur mendojnë, është për të krijuar një kuptueshmëri që afirmon idetë dhe besimet e tyre.

Atëherë popujt nuk shohin. Kombet nuk përgatiten. Dhe sjellet destruktive vazhdojnë.

Ne vëzhgojmë mbi botën. Kemi vëzhguar për një kohë shumë të gjatë.

Jemi Ne që Zoti ka dërguar për të mbikëqyrur zhvillimin dhe evolucionin e njerëzimit dhe për të marrë Shpalljet të cilat u jepen Lajmëtarve, për të marrë depërtimet të cilat u jepen profetëve, për të paralajmëruar, për të dhënë bekimet, dhe tani për të dhënë një përgatitje për një botë ndryshe nga e kaluara dhe për një të ardhme ku njerëzimi do të ketë për të konkurruar me Komunitetin e Madh.

Zoti nuk do ta shpëtojë njerëzimin duke i përzënë të këqijat, duke i zghidhur problemet që njerëzimi ka krijuar ose problemet që do të përballojë si pjesë natyrore të evolucionit të tij.

Ta mendoni këtë është të keqkuptini marrëdhënien tuaj me Perëndinë, ashtu siç jetoni tani në një gjendje Ndarjeje.

Por Ndarja nuk u krye ndonjëherë sepse një pjesë e juaj është gjithmonë e lidhur me Perëndinë.

Këtë Ne e quajmë Dije. Dhe do të jetë faktori vendimtar në rezultatin e jetës suaj personale – kuptimi dhe vlera e jetës suaj – dhe nëse njerëzimi mund të përgatitet, të adaptohet dhe të krijojë një botë të re në një seri rrethanash të reja.

Kurrë më parë nuk i ishte dhënë një Shpallje e tillë familjes njerëzore, sepse nuk ishte e nevojshme.

Keni ndërtuar një qytetërim në botë. I përçarë dhe i ndarë është, por megjithatë një qytetërim.

Jeni bërë gjithnjë e më të ndërvarur midis kombeve dhe kulturave tuaja. Ky ishte synimi i Krijuesit, sepse është evolucioni natyror i njerëzimit dhe i të gjitha racave inteligjente në univers.

Tani duhet të perballoni pragun e madh tjetër – një botë në rënie, një botë ku burime natyrore po pakësohen, një botë ku ushqimi dhe uji po rrallohen, një botë ku njerëzimi në rritje do të ketë për të përballuar kushtet e botës. Për këtë keni nevojë për Shpalljen e Re.

Shpalljet e kaluara nga Krijuesi nuk mund t’ju përgatisin për Dallgët e Mëdha të ndryshimit. Nuk mund t’ju përgatisin për fatin tuaj në Komunitetin e Madh. Nuk mund t’ju përgatisin për pragjet e mëdha në të cilët ndodheni dhe në të cilët do të ndodheni gjithmonë e më shumë.

Nuk i keni përgjigjet përballë ketyre gjërave. Kjo është arsyeja pse Shpallja po jepet. Sepse njerëzimi tani ka nevojë të këshillohet dhe të paralajmërohet, të bekohet dhe t’i jepet përgatitja për një të ardhme që do të jetë ndryshe nga e kaluara.

Dëgjojini këto fjalë, jo me intelektin por me zemrën tuaj. I flasin një të vërtete me të madhe brenda jush – një të vërtete më të madhe matanë koncepteve, besimeve dhe ideve.

I flasin një rezonance natyrore brenda jush, një prirje natyrore, një drejtimi natyror që jeton brenda jush në çdo moment, matanë fushës dhe nivelit të intelektit.

Ky është një komunikim për natyrën tuaj të thellë – për ta amplifikuar, për ta thirrur, për ta vënë në kontrast me idetë, besimet dhe aktivitetet tuaja ashtu siç janë sot.

Jeni të papërgatitur. Zoti ka dërguar përgatitjen.

Jeni të pavetëdijshëm. Zoti ka dërguar vetëdijen.

Jeni të pasigurt. Zoti po ju thërret në qendrën e sigurisë brenda jush.

Jeni të ngatërruar. Zoti po ju jep rrugën jashtë ngatërrimit.

Jeni poshterues ndaj vetvetes dhe të tjerëve. Zoti ju kthen tek vlera dhe qëllimi juaj i vërtetë në botë.

Bota po ndryshon, por ju nuk shihni. Zoti ju ka dhënë sytë për të parë dhe veshët për të dëgjuar, por ato janë ndryshe nga ajo që bëni sot dhe atë që kuptoni sot.

Njerëzimi do të dështojë pa Shpalljen e Re. Bota do të bëhet gjithmonë e më e zezë, më e rrezikshme dhe më e ngatërruar pa Shpalljen.

Njerëzimi do të lëkundet dhe do të dështojë përballë gabimeve të veta dhe mungesës së qartësisë.

Burimet e botës do të shpenzohen përmes konflikteve, konkurrencës dhe luftës. Njerëzit do të ngrihen kundër qeverive të tyre. Njerëzit do të ngrihen kundër njëri-tjetrit.

Do të ketë konflikte të paparashikueshme në të ardhmen, më të mëdhenj dhe më të vazhdueshëm se gjithçka që keni parë më parë.

Është Shpallja e Re që i përmban ingredientët që mungojnë në kuptueshmërinë tuaj, çelsin e vetëdijes dhe burimin e fuqisë, forcës dhe vendosmërisë suaj.

Për këtë duhet që të keni një mendje serioze, ta merrni jetën tuaj seriozisht dhe të filloni t’i kujdeseni nevojave dhe kërkesave të mëdha të jetës suaj.

Kjo është arsyeja pse Zoti e ka dërguar Shpalljen.

Kjo është Shpallja. Ne jemi Shpallja.

Nuk ka heronj për të adhuruar këtu, ndonjë njeri për të hyjnizuar. Ka vetëm një përgjegjësi më të madhe për të marrë dhe një urtësi më të madhe për të përdorur.

Nuk ka shpëtim përmes ndriçimit personal. Nuk ka arratisje.

Nuk ka vetëmashtrim. Ka vetëm një rezonancë dhe një përgjegjësi më të madhe, një sakrificë dhe një kontribut më të madh.

Kjo është që do ta shpëtojë botën. Kjo është që do ta shpëtojë lirinë dhe vetëvendosjen e njerëzimit në një univers ku liria është e rrallë dhe duhet të mbrohet me shumë kujdes.

Kjo është që do t’ia rivendosë dinjitetin individëve dhe aftësinë për të kontribuar diçka me fuqi dhe me rëndësi të madhe, pavarësisht nga rrethanat.

Dëgjojini këto fjalë – jo me idetë, besimet ose grindjet tuaja, por me zemrën tuaj, natyrën tuaj të thellë.

Sepse Zoti mund t’i flasë vetëm asaj që ka krijuar brenda jush. Zoti nuk e ka krijuar personalietin tuaj shoqëror. Zoti nuk i ka krijuar idetë dhe besimet tuaja. Zoti nuk i ka krijuar vendimet, dështimet dhe pendimet tuaja.

Zoti mund t’i flasë vetëm asaj që ka krijuar brenda jush, gjë që është diçka më e thellë, më depërtuese dhe më natyrore brenda jush.

Mesazhi i Ri po ju thërret. Pasi të bëheni të vetëdijshëm për të, duhet ta përballoni sfidën që përbën kjo vetëdijshmëri dhe se çfarë do të thotë për jetën tuaj.

Njerëzit e hedhin poshtë Shpalljen sepse nuk duan të ndryshojnë. Nuk duan t’i rikonsiderojnë besimet, idetë dhe posicionin e tyre në shoqëri.

Ata në të vërtetë nuk mund ta kundërshtojnë Mesazhin e Ri. Vetëm mund t’i shmangen dhe ta debatojnë për të mbrojtur investimet e tyre të mëparshme dhe idetë e tyre ndaj vetvetes.

Kush mund të hahet me Vullnetit dhe Urtësinë e Krijuesit, përveç në mënyrë të rremë?

Këtu do të shihni dilemën brenda çdo personi. Sa të ndershëm duan të jenë me vetveten, me atë që shohin dhe dinë? Sa të vetëdijshëm duan të jenë për veten e tyre, situatën e tyre dhe botën rreth tyre? Sa të përgjegjëshëm do të jenë për ta vënë jetën e tyre në ekuilibër dhe për të marrë vendimet që nuk kanë marrë më parë?

Këtu do ta shihni intelektin duke u shfaqur si zot, kur në të vërtetë ai është një shërbëtor i dobishëm. Ky është qëllimi dhe përcaktimi i tij.

Këtu do ta shihni arrogancën dhe injorancën të lidhura bashkë si një formë vetëmashtrimi të cilin shumë njerëz ndjekin.

Do ta shihni se çfarë është e vogël dhe çfarë është e madhe, çfarë është e fort dhe çfarë është e dobët, çfarë është e çmuar dhe çfarë pretendon të jetë e çmuar.

Zbulesa zbulon gjithçka.

Ju thërret për të ndjekur atë që është e madhe brenda jush dhe të drejtoni atë që është e vogël. Nuk flet për ndonjë rrugë të mesme në ketë drejtim.

Nuk mund të keni gjithçka. Nuk mund të keni të ardhmen tuaj dhe të kaluarën tuaj bashkë sepse nuk janë të përputhshme.

Është vetëm përmes zhgënjimit dhe dështimit që mund të shihni se nuk po jetoni jetën që duhet të jetoni dhe se nuk jeni të ndershëm dhe të vërtetë me vetveten dhe të ndershëm dhe të vërtetë me të tjerët – një realizim i ashpër por i rëndësishëm në një kohë ndërgjegjësimi, në një kohë Shpalljeje.

Dëgjojini këto fjalë – jo me idetë tuaja, supozimet tuaja, jo me mburojet tuaja, jo me arrogancë, krenari ose budallallëk, por me natyrën tuaj të thellë, sepse ajo është që duhet t’ju zbolohet.

Kjo bën pjesë tek Zbulesa.

 

Rreth procesit të përkthimit të Shpalljes

Lajmëtatit, Marshall Vian Summers, i është dhënë një Mesazh i Ri nga Zoti që nga viti 1983. Mesazhi i Ri nga Zoti është Shpallja më e madhe që i është dhënë ndonjëherë njerëzimit, e dhënë tani një bote të shkolluar, me komunikim global dhe me ndërgjejge globale në rritje. Nuk është dhënë vetëm për një fis, komb ose fe, por për të prekur të gjithë botën. Kjo bën thirrje për përkthime në sa më shumë gjuhë të jetë e mundur.

Procesi i Shpalljes po zbulohet tani për herë të parë në histori. Në këtë proces të jashtëzakonshëm, Prania e Zotit i komunikon matanë fjalëve Asamblesë Engjellore që mbikeqyr botën. Asambleja pastaj e përkthen këtë komunikim në gjuhë njerëzore dhe flet të gjithë si një nëpërmjet Lajmëtarit të tyre, të cilit i bëhet zëri një ndërmjetës për këtë Zë të madh – Zëri i Shpalljes. Fjalët janë të folura në anglisht dhe të regjistruara direkt në format audio, dhe pastaj të transkriptuara e të vëna në dispozicion në tekstet dhe regjistrimet audio të Mesazhit të Ri. Në këtë mënyrë, pastërtia e Mesazhit origjinal të Zotit është e ruajtur dhe mund t’i jepet të gjithë njerëzve.

Por ka edhe një proces përkthimi. Sepse Shpallja origjinale jepet në anglisht, kjo është baza e përkthimit në të gjitha gjuhët e njerëzimit. Sepse ka shumë gjuhë të folura në botën tonë, përkthimet nevojiten në mënyrë të domosdoshme për t’ua sjellë Mesazhin e Ri njerëzve kudo.

Studentët e Mesazhit të Ri janë paraqitur me kalimin e kohës si vullnetarë për ta përkthyer Mesazhin e Ri në gjuhën e tyre amtare.

Në këtë moment në histori, Society-a nuk mund ta përballojë të paguajë për përkthime në aq shumë gjuhë për një Mesazh kaq të gjerë, një Mesazh që duhet të arrijë në botë me një urgjencë kritike. Përveç kësaj, Society-a beson po ashtu se është e rëndësishme që përkthyesët të jenë studenta të Mesazhit të Ri për ta kuptuar e për ta përjetuar esencën e asaj që po përkthehet.

Duke pasur parasysh urgjencën dhe nevojën për ta përhapur Mesazhin e Ri nëpër botë, ne ftojmë ndihmë të mëtejshmë për përkthimin, për ta zgjeruar përhapjen e Mesazhit të Ri në botë, duke sjellë më shumë nga Shpallja në gjuhët ku përkthimi ka filluar dhe duke e filluar përkthimin në gjuhë të reja. Në këtë kohë, ne kërkojmë ta përmirësojmë kualitetin e këtyre përkthimeve. Ka akoma aq shumë për të bërë.

Hapat drejt Dijes | Hapat 1-98

Hapi i parë: Jam tani pa Dije

Duhet të ketë një pikë nisjeje në çdo proces zhvillimi. Duhet të filloni nga aty ku jeni, jo nga atje ku doni të jeni. Ju filloni këtu duke kuptuar se jeni pa Dije. Kjo nuk do të thotë se Dija nuk është me ju. Do të thotë thjesht se nuk jeni me Dijen. Dija po pret për ju që të ecni përpara. Dija po pret për ta dhenë vetën juve. Për këtë arsye, po përgatiteni tani për të qenë në marrëdhënie me Dijen, aspekti më i madh i mendjes suaj, të cilën e keni sjellë me vete nga Shtëpia juaj e Lashtë.

Tre herë sot kaloni 10 minuta duke menduar se çfarë është Dija, jo thjesht duke aplikuar idetë tuaja, jo thjesht duke aplikuar kuptueshmërinë tuaj të mëparshme, por duke menduar se çfarë është Dija në të vërtetë.

Praktika e parë: Tre seanca praktike 10-minutëshe.

Hapi i dytë: Dija është me mua. Ku jam unë?

Dija është me ju, plotësisht, por ndodhet në një pjesë të mendjes suaj në të cilën nuk keni fituar akoma akses. Dija përfaqëson Veten tuaj të Vërtetë, Mendjen tuaj të Vërtetë dhe marrëdhëniet tuaja të vërteta në univers. Aty gjithashtu ndodhet thirrja juaj e madhe në botë dhe një përdorim i përsosur të natyrës suaj, të të gjitha aftësitëve dhe zotësitëve tuaja, si dhe të kufizimeve tuaja – të gjitha për t’u përdorur për të mirën në botë.

Dija është me ju, por ku jeni ju? Sot mendoni se ku jeni. Nëse nuk jeni me Dijen, ku jeni? Prandaj, tre herë sot, çdo herë 10 minuta, mendoni se ku jeni, jo vetëm fizikisht ose gjeografikisht, por ku jeni në lidhje me vetëdijen tuaj për vetveten në botë. Mendoni shumë, shumë me kujdes. Mos e lejoni mendjen t’ju hutojë nga ky drejtim. Është e domosdoshme që tani në fillim të përgatitjes suaj t’ia pyesni vetës këto pyetje shumë seriozisht.

Praktika e dytë: Tre seanca praktike 10-minutëshe.

Hapi i tretë: Çfarë di unë në të vertetë?

Sot pyeteni veten se çfarë dini në të vërtetë dhe dallojeni atë që dini nga ajo që mendoni, shpresoni ose doni, për vete ose për botën tuaj, dhe nga ajo që keni frikë, besoni, çmoni ose vlerësoni. Dallojeni këtë pyetje sa më mirë që të mundeni nga këto gjëra, dhe pyeteni veten “çfarë di unë në të vërtetë?” Duhet ta ekzaminoni vazhdimisht çfarëdo përgjigje që i jepni kësaj pyetjeje, për të parë nëse përfaqëson besimet ose supozimet tuaja, ose besimet ose supozimet e njerëzve të tjerë, ose ndoshta të njerëzimit në përgjithësi.

Tre herë sot, çdo herë 10 minuta, pyetjani vetes këtë pyetje, dhe mendoni shumë seriozisht për përgjigjen tuaj dhe për kuptimin e kësaj pyetjeje “çfarë di unë në të vërtetë?”

Praktika e tretë: Tre seanca praktika 10-minutëshe.

Hapi i katërt: Unë dua atë që mendoj që di

Ju doni atë që mendoni që dini, dhe kjo është që përbën themelin e kuptueshmërisë suaj te vetvetes dhe te botës suaj. Në fakt, kjo përbën themelin e të gjithë identitetit tuaj. Do të gjeni, megjithatë, pas një ekzaminimi të ndershëm se kuptueshmëria juaj është e bazuar kryesisht mbi supozime, dhe këto supozime nuk janë të bazuara mbi eksperiencën tuaj për pjesën më të madhe, në qoftë se fare.

Sot, në tre seancat praktike tuaja të shkurtra, në të cilat do të përkushtoni vëmendjen tuaj të plotë për të ekzaminuar supozimet tuaja, mendoni për gjërat që në të vërtetë mendoni që dini, duke përfshirë gjërat që nuk keni menduar t’i vëni në pyetje më parë – gjëra që mendoni që dini. Ushtrimi i sotëm, atëherë, vazhdon nga hapi i kaluar ku filluat të shihni ndryshimin midis asaj që mendoni që dini dhe Dijes së vërtetë, dhe marrëdhënien midis asaj që mendoni si Dije dhe supozimet, besimet dhe shpresat tuaja.

Atëherë, në çdo seancë praktike është shumë e rëndësishme për ju që të mendoni për gjërat që mendoni që dini. Kur të kuptoni se janë të bazuara kryesisht mbi supozimet tuaja, do ta kuptoni se sa i dobët është themeli juaj në botë. Kuptimi i kësaj mund të jetë tronditës dhe shqetësues, por është krejtësisht i domosdoshëm për t’ju dhënë nxitjen dhe dëshirën për të zbuluar themelin tuaj të vërtetë në botë.

Praktika e katërt: Tre seanca praktike 10-minutëshe.

Hapi i pestë: Besoj atë që dua të besoj

Kjo deklaratë përfaqëson marrëzinë e madhe të njerëzimit dhe formën e tij më të rrezikshme të vetëmashtrimit. Besimet janë të bazuara kryesisht në atë që është e dëshiruar, jo në atë që ndodh në të vërtetë ose në atë që është e vërtetë. Ato ndoshta përfaqësojnë idealet e mëdha të njerëzimit, dhe në këtë përmbajnë një reflektim të vërtetë, por në një bazë ditore dhe në shumicën e pyetjeve praktike, njerëzit i bazojnë besimet e tyra mbi gjëra që shpresojnë, jo në gjëra që vertet ekzistojnë. Duhet ta kuptoni mirë se rruga drejt çdo vendimi ose ndërmarrje konstruktive duhet të fillojë me realitetin aktual. Çfarë jeni dhe çfarë keni sot duhet të jetë pika e nisjes suaj.

Prandaj, në tre seancat tuaje praktike sot, mendoni për këtë deklaratë. Ekzminoni atë që besoni, dhe pastaj ekzominoni atë që doni. Do të gjeni se edhe besimet tuaja të frishkme ose negative janë të lidhura me ambiciet tuaja. Vetëm një aplikim i kujdesshëm të praktikës së sotme do t’jau zbulojë këtë.

Praktika e pestë: Tre seanca praktike 10-minutëshe.

Hapi i gjashtë: Kam një themel të vërtetë në botë

Matanë besimeve dhe supozimeve të cilat fshehin frikën dhe pasigurinë tuaj, ekziston një themel i vërtetë për ju në botë. Ky themel është i ndërtuar mbi jetën tuaj matanë kësaj bote, sepse është nga atje që keni ardhur dhe që do të ktheheni. Keni ardhur nga një vend në të cilin do të ktheheni, dhe nuk keni ardhur duarbosh.

Dy herë sot, kaloni dy seanca më të gjata nga 15 deri në 20 minuta duke konsideruar se çfarë themeli juaj i vërtertë mund të jetë. Mendoni për të gjitha idetë tuaja në lidhje me këtë. Është një pyetje shumë e rëndësishme. Duhet ta kuptoni nevojën tuaj të madhe për t’ia pyetur vetes këtë pyetje me sinqeritet dhe me një thellësi depërtuese.

Pa një themel të vërtetë, sukseset dhe përparimet tuaja do të jenë pa shpresë. Është një bekim i madh, atëherë, që e keni, megjithëse është i panjohur për ju.

Praktika e gjashtë: Dy seanca praktike nga 15 deri në 20 minuta.

Hapi i shtatë: Rishikim

Në të dy seancat praktike të sotme, rishikoni gjithçka që kemi parë deri tani, duke filluar nga hapi i parë dhe duke vazhduar deri tek hapi i ditës së kaluar. Dhe pastaj konsiderojeni të gjithë sekuencën e hapave së bashku. Është shumë e rëndësishme në këtë pikë që të mos keni ndonjë konkluzion, por që të keni pyetje dhe ta kuptoni se në çfarë mase keni nevojë për Dije të vërtetë. Nëse e ndërmerrni këtë praktikë sot sinqerisht, do t’ju jetë e qartë që e keni këtë nevojë të madhe. Jeni të prekshëm pa supozimet tuaja, por jeni edhe në pozicion për të marrë të vërtetën dhe siguri në jetë.

Kaloni dy seanca praktike sot, 30 minuta secilën, për t’i konsideruar këto gjëra.

Praktika e shtatë: Dy seanca praktika 30-minutëshe.

Hapi i tetë: Sot do të jem i qetë

Në të dy praktikat tuaja të meditimit sot, praktikoni qetësinë për 15 minuta. Filloni duke marrë tre frymëmarrje të thella dhe pastaj fokusohuni në një pikë të brendshme. Mund të jetë një pikë imagjinare ose një pikë në trupin tuaj fizik. Me sy të mbyllura, thjesht jepjani vëmendjen tuaj të plotë, pa vlerësim ose gjykim. Mos u dekurajoni nëse përpjekjet e para duken të vështira. Fillimi i çdo gjëje të rëndësishme në jetë mund të jetë i vështirë në fillim, por nëse vazhdoni, do ta arrini këtë qëllim të madh, sepse në qetësi gjithçka mund të dihet.

Praktika e tetë: Dy seanca praktike 15-minutëshe.

Hapi i nëntë: Në qetësi gjithçka mund të dihet

Qetësia e mendjes lejon një mendje më të madhe që të dalë dhe të zbulojë Urtësinë e saj. Ata që praktikojnë qetësinë me një dëshirë për Dije e përgatisin veten për një zbulesë më të madhe dhe për një depërtim të vërtetë që të dalë. Depërtimi mund të dalë gjatë pratikës ose gjatë çdolloj aktiviteti normal. Aspekti kryesor këtu është që përgatitja është bërë.

Dy herë sot praktikoni ushtrimin e dieshëm të qetësisë, por praktikoni pa pritjen e një rezultati. Mos e përdorni këtë praktikë për të pyetur ndonjë lloj pyetje sepse po praktikoni qetësinë, në të cilën të gjitha spekulimet, të gjitha pyetjet dhe të gjitha kërkimet marrin fund. Për 15 minuta, dy herë sot, praktikojeni qetësinë edhe një herë.

Praktika e nëntë: Dy seanca praktike 15-minutëshe.

Dhe pse po e bëj unë këtë?

Shumë pyetje e mirë! Pse po e bëni këtë? Pse pyesni pyetje të tilla? Pse kërkoni për gjëra më të mëdha? Pse po e bëni mundimin? Këto pyetje janë të pashmangshme. I parashikojmë. Pse po e bëni këtë? Po e bëni sepse është thelbësore. Nëse dëshironi të jetoni diçka më të madhe se një jetë krejtësisht superficiale dhe jo stabile, duhet të futeni më thellë dhe mos të jeni të sigurt thjesht në bazën e supozimeve të dobëta dhe pritjeve shpresëdhënëse. Ka një dhuratë më të madhe që po ju pret, por duhet të përgatiteni mendërisht, emocionalisht dhe fizikisht. Pa Dijen, nuk jeni të vetëdijshëm për qëllimin tuaj. Jeni të pavetëdijshëm për prejardhjen tuaj dhe fatin tuaj, dhe do të kaloni nëpërmjet kësaj jete sikur të ishte një ëndërr e turbullt, dhe asgjë më tepër.

Hapi i dhjetë: Çfarë është Dija?

Le të themi që Dija nuk është ajo që është e lidhur me të zakonisht. Nuk është ide. Nuk është një trup informacioni. Nuk është një sistem besimi. Nuk është një proces vetëvlerësimi. Ajo është misteri i madh i jetës suaj. Manifestimet e saj të jashtme janë intuicion i thellë, depërtim i madh, dituri e pashpjegushme, perceptim i urtë në të tanishmen dhe të ardhmen dhe kuptueshmëri e urtë të të kaluarës. Por pavarësisht nga këto arritje të mëdha të mendjes, Dija është më e madhe se kaq. Është Vetja juaj e Vërtetë, një Vete që nuk është e ndarë nga jeta.

Praktika e dhjetë: Lexojeni mësimin tre herë sot.

Hapi 11: Nuk jam veç nga jeta.

Pavarësisht nga ndërmarjet e mëdha të ndërtuara mbi individualitetin tuaj dhe gjithçka që është e lidhur me ju personalisht – trupi juaj, idetë tuaja, vështirësitë tuaja, format tuaja specifike të shprehjes, veçantitë tuaja, talentet tuaj – ju nuk jeni veç nga jeta. Kjo është shumë e dukshme nëse e shihni veten me thjeshtësi dhe e kuptoni se përbërja e trupit tuaj, struktura e jetës suaj fizike, është bërë plotësisht nga ajo që jeta është në botën fizike. Është shumë e dukshme që jeni përbërë nga të njëjtat “gjëra” si çdo gjë tjetër rreth jush. Ajo që është misterioze është mendja juaj. Duket të jetë një pikë e ndryshme e të kuptuarit, por është po aq pjesë e jetës si struktura juaj fizike. Jeni një individë i pavetëdijshëm për Burimin tuaj dhe përfshirjen tuaj në jetë. Individualizmi juaj tani është një barrë, por do të jetë një lumturi e mrekullueshme për ju kur mund të shprehë jetën vetë.

Praktika 11: Lexoni mësimin tre herë sot.

Hapi 12: Individualizmi im është për të shprehur jetën vetë.

Këtu veçantia juaj është një pasuri e madhe dhe një burim gëzimi, jo një burim tjetërsimi të dhimbshëm  dhe jo një burim gjykimi të dhimbshëm kundër vetes apo të tjerëve. Ky dallim nuk ju lartëson më lartë ose nuk ju vë nën ndonjë tjetër. Ai thjesht vë në dukje qëllimin e vërtetë prapa individualitetit tuaj dhe shpresën e tij të madhe për të ardhmen. Ju jeni këtu për të shprehur diçka. Ky është kuptimi i vërtetë i dhënë individualitetit tuaj, sepse nuk doni më të jeni të ndarë.

Në dy raste sot, praktikoni dy periudha heshtjeje duke ushtruar praktikën që kemi ilustruar deri më tani.

Praktika 12: Dy periudha praktike 15-minutëshe.

Hapi 13: Dua të jem i veçantë për të qenë unik.

Ky mendim përfaqëson motivin e vërtetë për ndarje, por është i panevojshëm. Ne nuk e japim këtu si një pohim, por si një shprehje të gjendjes suaj aktuale. Ju dëshironi të jeni të ndarë sepse kjo përcakton veten tuaj; vetja juaj përcaktohet në terma ndarjeje, jo në terma përfshirjeje. Ndarja është burimi i të gjithë dhimbjes dhe konfuzionit tuaj të mendjes. Jeta juaj fizike përfaqëson një jetë të ndarë, por vetëm nga një pikëpamje e caktuar. Duke pasur parasysh një pikëpamje tjetër, nuk demonstron ndarjen as pak. Ajo tregon një shprehje unike të një Realiteti më të Madh.

Në dy raste sot, kaloni 15 minuta duke u përqëndruar në idenë e sotme. Mendoni seriozisht se çfarë do të thotë ky mësim dhe thërrisni përvojën tuaj për të reflektuar mbi rëndësinë e tij në jetën tuaj. Reflektoni se sa ju ka kushtuar dëshira juaj për ndarje në kohë, energji dhe dhimbje. Realizoni motivimin tuaj për ndarje dhe do të dini se doni të jeni të lirë.

Praktika 13: Dy seanca praktike 15-minutëshe.

Hapi 14: Rishikim

Edhe një herë rishikoni të gjitha mësimet e dhëna të mëparshme. Në këtë Rishikim rilexoni udhëzimet që janë dhënë në çdo hap. Gjithashtu rishikoni të gjitha seancat tuaja të praktikës për të përcaktuar thellësinë e përfshirjes suaj në praktikë dhe rezultatet që keni përjetuar. Përmes gjithë planit tuaj të studimit, do të hetoni përmbajtjen e përvojës suaj. Kjo do të ndërtohet mbi vete dhe përfundimisht do t’ju zbulojë realizimin e Dijes suaj.

Kaloni një periudhë praktike prej rreth 45 minuta për të shqyrtuar të gjitha udhëzimet dhe për të rishikuar rezultatet dhe cilësinë e praktikës suaj. Nesër do të fillojmë fazën tjetër të përgatitjes sonë së bashku.

Praktika 14: Një seancë praktike 45-minutëshe.

Hapi 15: Do të dëgjoj përvojën time sot.

Sot do të dëgjoj përvojën time për të gjetur përmbajtjen e mendjes sime.

Kuptojeni se përmbajtja e vërtetë e mendjes suaj është mbuluar nën gjithçka që keni shtuar që nga dita që keni lindur. Kjo përmbajtje e vërtetë dëshiron të shprehë veten në kontekstin e jetës suaj aktuale dhe gjëndjes aktuale. Për ta kuptuar këtë ju duhet të dëgjoni me kujdes dhe në kohë të kuptoni ndryshimin midis përmbajtjes së vërtetë të mendjes suaj dhe mesazheve të saj për ju dhe të gjitha impulseve dhe dëshirave të tjera që ju ndjeni. Të ndash mendimet nga Dija është një nga arritjet më të mëdha që do të keni mundësinë për të mësuar në këtë kurs.

Praktika e vetme e sotme prej 45 minuta do t’i përkushtohet dëgjimit të brendshëm. Kjo do të kërkojë që të dëgjoni pa gjykim të vetvetes, edhe nëse përmbajtja e mendimeve tuaja është shqetësuese. Edhe nëse përmbajtja e mendimeve tuaja është e papëlqyeshme, duhet të dëgjoni pa gjykim për ta lejuar mendjen tuaj që të hapet. Po dëgjoni për diçka me të madhe se mendja, por duhet të shkoni përmes mendjes për të vajtur aty.

Praktika 15: Një seancë praktike 45-minutëshe.

Hapi 16: Matanë mendjes sime është Dija.

Matanë mendjes suaj është Dija, thelbi i vërtetë i qenies suaj, Vetja juaj e Vërtetë, jo vetja që keni ndërtuar për të negociuar botën, por Vetja juaj e Vërtetë. Nga kjo Vete e Vërtetë vijnë mendimet dhe përshtypjet, prirjet dhe drejtimi. Shumica e asaj që Vetja juaj e Vërtetë ju komunikon ende nuk mund ta dëgjoni, por me kohë do të mësoni të dëgjoni ndërsa mendja juaj bëhet e qetë dhe ndërsa zhvilloni përsosjen e nevojshme të dëgjiminit dhe aftësisë për të dalluar.

Sot praktikoni në tre periudha prej 15 minuta secila. Dëgjoni më me kujdes se një ditë më parë. Dëgjoni për prirje më të thella. Përsëri duhet të dëgjoni pa gjykim. Ju nuk duhet të redaktoni asgjë. Duhet të dëgjoni thellë në mënyrë që mund të mësoni të dëgjoni.

Praktika 16: Tre periudha praktike 15-minutëshe.

Hapi 17: Sot dua të dëgjoj të vërtetën.

Dëshira për të dëgjuar të vërtetën është diçka që është edhe proces dhe rezultat i përgatitjes së vërtetë. Zhvillimi i aftësisë për të dëgjuar dhe dëshira për të dëgjuar do t’ju japë atë që kërkoni. E vërteta është jashtëzakonisht e dobishme për ju, por në fillim mund të jetë mjaft tronditëse dhe zhgënjyese për planet dhe qëllimet tuaja të tjera. Këtë duhet të rrezikoni nëse dëshironi të keni sigurinë dhe fuqizimin që e vërteta do t’ju sjellë. E vërteta gjithmonë sjell zgjidhjen e konfliktit, gjithmonë ofron një përvojë të vetvetes, gjithmonë ju jep një sens të realitetit aktual dhe gjithmonë jep drejtim për ju që të ecni përpara.

Sot në tre periudhat tuaja të praktikës 15 minutëshe, praktikoni të dëgjoni të vërtetën, duke u përpjekur të dëgjoni përtej mendjes dhe emocioneve. Përsëri mos u shqetësoni nëse gjithçka që dëgjoni është nxitimi i mendimeve tuaja. Mos harroni, ju jeni duke zhvilluar dëgjimin. Kjo është gjëja më e rëndësishme. Ashtu si ushtroni një muskul në trup, ju jeni duke ushtruar fakultetin e mendjes të quajtur dëgjim. Prandaj, këtë ditë praktikoni dëgjimin, duke kaluar këto periudha praktike për t’ju përkushtuar vetes në mënyrë që të ndjeni të vërtetën duke u shfaqur brenda jush.

Praktika 17: Tre periudha praktike 15-minutëshe.

Hapi 18: Sot ndjej të vërtetën që po shfaqet brenda meje.

E vërteta duhet përjetuar plotësisht. Nuk është thjesht një ide; nuk është thjesht një imazh, megjithëse imazhet dhe idetë mund ta shoqërojnë atë. Eshte një përvojë, dhe kështu është diçka që ndjehet thellësisht. Mund të shfaqet në mënyra pak më të ndryshme për ata që kanë filluar të depërtojnë në të, por megjithatë do të shfaqet. Eshte diçka që duhet të ndjeni. Për të pasur një orientim për ndjenjat, mendja juaj duhet të jetë e qetë. E vërteta është diçka që do të ndjeni me gjithë trupin tuaj, me të gjithë qenien tuaj.

Dija nuk ju flet në çdo moment, por mban gjithmonë nje mesazh per ju. Të futesh në afërsinë e Dijes do të thotë që të bëhesh gjithnjë e më shumë si vetë Dija – më i plotë, më i qëndrueshëm, më i sinqertë, më i përkushtuar, më i përqendruar, më i vetëdisiplinuar, më i dhembshur dhe më i dashur. Të gjitha këto cilësi zhvillohen ndërsa i afroheni asaj që është burimi i këtyre cilësive.

Është në këtë drejtim që do të praktikoni të lëvizni sot ndërsa ndjeni të vërteten që po shfaqet brenda jush. Kjo do të bashkojë të gjitha aspektet e juaja, duke ju dhënë një përvojë uniforme të vetvetes. Në tre periudhat tuaja praktike 15 – minutëshe, kushtojeni vëmendjen tuaj të plotë të ndjeni të vërtetën që shfaqet brenda jush. Praktikoni në qetësi dhe mos u dekurajoni nëse është e vështirë në fillim. Thjesht praktikoni dhe do të vazhdoni.

Gjatë dites gjithashtu, pa dyshim e pa hezitim, ndiqni qëllimin tuaj të vërtetë në jetë. Nga ky synim i vërtetë do ju vijnë të gjitha gjërat e rëndësishme që do ju duhet të realizoni dhe fuqia e madhe e vizionit dhe dallimit që do t’ju lejojë të gjeni ata individë që keni ardhur në botë për të gjetur.

Praktika 18: Tre periudha praktike 15-minutëshe.

Hapi 19: Sot dëshiroj te shoh.

Dëshira për të parë është si dëshira për të ditur. Ajo gjithashtu kërkon një rafinim të fakulteteve të mendjes tuaj. Të shihni me vizion të qartë do të thotë që nuk po shihni me preferencë. Do të thotë që ju jeni në gjendje të perceptoni atë që po ndodh në të vërtetë në vend të asaj që dëshironi të shihni. Ka diçka që ndodh vërtet përtej dëshirave tuaja. Kjo është shumë e vërtetë. Dëshira për të parë, atëherë, është dëshira për të parë një të vërtetë më të madhe. Kjo kërkon një ndershmëri më të madhe dhe një hapje më të madhe të mendjes.

Sot në dy sesionet tuaja të praktikës, praktikoni të shikoni një objekt të thjeshtë. Mos i hiqni sytë nga ai objekt, por shikoni dhe praktikoni duke parë me shumë ndërgjegje. Ju nuk po përpiqeni të shihni asgjë. Ju thjesht po shikoni me një mendje të hapur. Kur mendja është e hapur, ajo përjeton thellësinë e vet dhe përjeton thellësinë e asaj që percepton.

Zgjidhni një objekt të thjeshtë që ka shumë pak kuptim për ju dhe shikojeni atë dy herë sot për të paktën 15 minuta. Lejoni që mendja juaj të bëhet shumë e qetë. Merrni frymë thellë dhe rregullisht ndërsa shikoni këtë objekt. Lejoni që mendja juaj të qetësohet në vetvete.

Praktika 19: Dy periudha praktike 15-minutëshe.

Hapi 20: Nuk do të lejojë dyshimin dhe konfuzionin të ngadalësojnë përparimin tim.

Çfarë mund të ngadalesojë përperimin tuaj përveç pavendosmërisë suaj, dhe çfarë mund të rrisë pavendosmërinë përveç asaj që prodhon konfuzion të mendjes? Ju keni një qëllim më të madh i cili ilustrohet në këtë program përgatitjeje.

Mos lejoni që dyshimi dhe hutimi të jenë pengesa për ju. Të jesh një student i vërtetë do të thotë që po supozoni shumë pak dhe po e drejtoni veten në një mënyrë që nuk e përshkruani vetë, por që ju është dhënë nga një Fuqi më e Madhe. Fuqia e Madhe dëshiron t’ju ngrejë në nivelin e vet të aftësisë. Në këtë mënyrë, ju merrni dhuratën e përgatitjes në mënyrë që mund t’ia jepni të tjerëve. Në këtë mënyrë, ju jepet ajo që nuk mund të siguroni për vete. Ju e kuptoni fuqinë dhe aftësinë tuaj individuale sepse ato duhet të zhvillohen në mënyrë që të ndiqni një program të kësaj natyre. Ju gjithashtu e kuptoni përfshirjen tuaj në jetë ashtu siç jeta përpiqet t’ju shërbejë në zhvillimin tuaj të vërtetë.

Prandaj praktikoni të njëjtën praktikë që u përpoqët një ditë më parë në dy periudhat tuaja praktike dhe mos e lejoni dyshimin ose konfuzionin t’ju dekurajojë. Jini një student i vërtetë sot. Lejojeni veten të përqëndrohet në praktikën tuaj. Jepjani vetes praktikës. Jini një student i vërtetë sot.

Praktika 20: Dy periudha praktike 15-minutëshe.

Hapi 21: Rishikim.

Në rishikimin tuaj të tretë rishikoni të gjitha mësimet e javës së kaluar dhe rezultatet e këtyre mësimeve. Praktikoni sot duke mos arritur në ndonjë konkluzion, por thjesht kuptoni linjën e zhvillimit dhe merrni parasysh përparimin që keni arritur deri tani. Është shumë herët për të nxjerrë konkluzion të vërtetë, megjithëse mund të jetë shumë joshëse për ta bërë këtë. Studentët fillestarë nuk janë në gjendje të gjykojnë kurrikulën e tyre. Kjo e drejtë duhet të fitohet dhe të vijë më vonë nëse dëshironi që gjykimet tuaja të kenë efekt të vërtetë dhe të jenë të urta.

Prandaj, në një periudhë praktike rishikoni seksionin e fundit të praktikës dhe gjithçka që është përjetuar deri më tani.

Praktika 21: Një periudhë praktike 45-minutëshe.

Hapi 22: Unë jam i rrethuar nga Mësuesit e Perëndisë.

Jeni me të vërtetë të rrethuar nga Mësuesit e Perëndisë, të cilët kanë ndërmarrë një trajnim në shumë mënyra të ngjashëm me atë që po bëni tani. Megjithëse të dhenë në shumë forma të ndryshme, në periudha të ndryshme, në botë të ndryshme, një lloj trajnimi shumë i ngjashëm u ishte dhënë atyre i drejtuar me mençuri për gjendjen e tyre të mëparshme të mendjes dhe rrethanave të tyre në jetë.

Sot në dy periudhat tuaja praktike 15 minutëshe ndjeni praninë e Mësuesve të Perëndisë. Ju ende nuk mund t’i shihni me sytë tuaj, dhe ende nuk mund t’i dëgjoni me veshët tuaj sepse këto aftësi kuptimore ende nuk janë rafinuar sa duhet, por ju mund të ndjeni praninë e tyre, sepse prania e tyre ju rrethon dhe ju mbron. Në praktikën tuaj, mos lini mendime të tjera të ndërhyjnë. Mos iu dorëzoni dyshimit ose konfuzionit, sepse duhet të përgatiteni për të pasur shpërblimin që kërkoni, dhe duhet të dini që nuk jeni vetëm në botë për të pasur forcën, besimin dhe burimin e Urtësisë të nevojshme për të arritur atë që jeni dërguar këtu për të kryer.

Jeni të rrethuar nga Mësuesit e Perëndisë. Ata janë këtu për t’ju dashur, mbështetur dhe drejtuar.

Praktika 22: Dy periudha praktike 15-minutëshe.

Hapi 23: Unë jam i dashur, i rrethuar dhe i mbështetur nga Mësuesit e Perëndisë.

E vërteta e kësaj do të bëhet e dukshme ndërsa përgatiteni, por tani për tani mund të kërkojë besim të madh. Kjo ide mund të sfidojë idetë ose besimet ekzistuese, por megjithatë është e vërtetë. Plani i Perëndisë është i padukshëm dhe njihet nga shumë pak sepse shumë pak kanë gatishmërinë mendore dhe cilësinë e vëmendjes që do t’i lejojë ata të shohin se çfarë ndodh qartë rreth tyre, gjë e cila në këtë pikë nuk është aspak e qartë për ta. Mësuesit tuaj ju duan, ju rrethojnë dhe ju mbështesin, sepse po hyni tek Dija. Kjo i thërret ata në anën tuaj. Ju jeni një nga të paktët që keni shpresën dhe mundësinë për të dalë nga gjumi i imagjinatës suaj në hirin e Realitetit.

Prandaj, në dy periudhat tuaja praktike sot ndjejeni këtë dashuri, mbështetje dhe drejtim. Është një ndjenjë. Nuk është ide. Është një ndjenjë. Është diçka që duhet të ndjeni. Dashuria është diçka që duhet të ndjeni ta dini. Ju me të vërtetë jeni të dashur, të rrethuar dhe të mbështetur nga Mësuesit tuaj, dhe ju jeni shumë të denjë për dhuratën e tyre të madhe për ju.

Praktika 23: Dy periudha praktike 15-minutëshe.

Hapi 24: Unë jam i denjë për dashurinë e Perëndisë.

Jeni me të vërtetë të denjë për dashurinë e Perëndisë. Në fakt, ju me të vërtetë jeni dashuria e Perëndisë. Pa asnjë pretendim të çfarëdo lloji, në thelbin e vetvetes, kjo është Vetja juaj e Vërtetë. Nuk është Vetja që ju ende përjetoni, dhe derisa ta përjetoni, mos pretendoni se kjo është përvoja juaj. Por mbajeni në vetëdije se kjo është Vetja juaj. Ju jeni një person, por ju jeni më i madh se një person. Si mund të jeni të padenjë për dashurinë e Perëndinë nëse kjo është ajo që jeni? Mësuesit tuaj ju rrethojnë dhe ju sigurojnë atë që jeni në mënyrë që të përjetoni vetveten dhe marrëdhënien tuaj të vërtetë me jetën.

Në dy periudhat tuaja të praktikës sot, praktikoni të merrni edhe një herë dashurinë, mbështetjen dhe drejtimin e Mësuesve tuaj, dhe nëse ndonjë mendim e pengon këtë, nëse ndonjë ndjenjë e pengon këtë, kujtojani vetvetes denjësinë tuaj të madhe. Ju jeni të denjë jo për atë që keni bërë në botë. Ju jeni të denjë për atë që jeni, nga keni ardhur dhe ku po shkoni. Jeta juaj mund të jetë e mbushur me gabime, vendime të gabuara dhe zgjedhje të dobëta, por ju prapë keni ardhur nga Shtëpia juaj e Lashtë në të cilën do të ktheheni. Denjësia juaj në sytë e Perëndisë është e pandryshuar. Ka vetëm përpjekje të madhe për të riparuar gabimet tuaja në mënyrë që të mund të përjetoni Veten tuaj të Vërtetë në mënyrë që mund të jepet në botë.

Prandaj, në periudhat tuaja të praktikës, praktikoni pranueshmërinë dhe përjetoni denjësi të vërtetë. Mos lejoni asnjë mendim të konfliktojë me të vërtetën më të madhe të jetës.

Praktika 24: Dy periudha praktike 15-minutëshe.

Hapi 25: Unë jam një me të vërtetën më të madhe të jetës

Çfarë është e vërteta më e madhe e jetës? Është diçka që duhet të përjetohet, sepse asnjë e vërtetë e madhe nuk mund të përmbahet në një ide vetëm, megjithëse idetë mund ta pasqyrojnë atë brenda përvojës suaj aktuale. E vërtetë e madhe është produkt i marrëdhënie të madhe. Ju mbani një marrëdhënie të madhe me jetën. Ju mbani një marrëdhënie të madhe me Mësuesit tuaj të vërtetë që janë brenda jush. Më pas, do të përjetoni marrëdhënie të mëdha me ata në jetën tuaj të jashtme, por së pari duhet të përjetoni tashmë burimin e marrëdhënies suaj të madhe në themelin e saj të vërtetë. Atëherë bëhet fjalë për thjesht transferimin e saj në botën e jashtme, gjë të cilën do të bëni natyrisht me kalimin e kohës.

Në dy periudhat tuaj të praktikës, praktikoni të ndjeni këtë marrëdhënie. Përsëri ju kërkohet të merrni sepse duhet ta merrni këtë për ta dhënë. Pasi është marrë, do të jepet nga vetvetja natyrisht. Në procesin e kësaj, vlera juaj rivendoset sepse është mjaft e dukshme. Ju nuk keni nevojë ta keqparaqtni veten ose përvojën tuaj. Të shpërndash një dashuri të madhe sinqerisht do të thotë që duhet ta përjetosh atë. Kjo është përvoja që dëshirojmë t’ju japim sot.

Praktika 25: Dy periudha praktike 15-minutëshe.

Hapi 26: Gabimet e mia i japin lindje Dijes sime.

Është e pakuptimtë të justifikosh gabimin, por gabimi mund t’ju sjellë në vlerësimin e së vërtetës, dhe në këtë mund të sjellë tek Dija e vërtetë. Kjo është vlera e tij e vetme e mundshme. Ne nuk e falim gabimin, por nëse ndodh gabimi, dëshirojmë ta bëjmë të shërbejë nevojën tuaj më të vërtetë, në mënyrë që mund të mësoni nga ai dhe mos ta përsërisni më. Nuk është thjesht për ju për të harruar gabimet tuaja, sepse nuk mund ta bëni atë. Nuk është thjesht për ju për të justifikuar gabimet tuaja, sepse kjo do t’ju bëjë të pandershëm. Nuk është thjesht për ju për të parë gabimet tuaja vetëm si shërbim për ju, sepse ato me të vërtetë kanë qenë të dhimbshme. Ajo që do të thotë kjo me të vërtetë është që ju pranoni se gabimi është gabim dhe më pas të përpiqeni ta përdorni atë për veten tuaj. Dhimbja e gabimit dhe vuajtja e gabimit duhet të pranohen, sepse kjo do t’ju mësojë se çfarë është reale dhe çfarë nuk është, çfarë të vlerësoni dhe çfarë mos të vlerësoni. Të përdorësh gabimin tuaj për zhvillim do të thotë që e keni pranuar gabimin dhe tani jeni duke u përpjekur ta shfrytëzoni atë për të nxjerrë vlerë nga ai sepse derisa vlera të rrjedhë nga gabimi, është thjesht gabim dhe do të jetë një burim dhimbjeje dhe shqetësimi për ju.

Sot, në dy periudhat tuaja 30-minutëshe të praktikës, shikoni gabime specifike që keni bërë që kanë qenë shumë të dhimbshme. Mos u përpiqni të hiqni dhimbjen e tyre, por shikoni se si në rrethanat tuaja aktuale në jetë mund t’i përdorëni ato në dobinë tuaj. Përdorimi i gabimeve në këtë mënyrë mund t’ju tregojë se çfarë keni nevojë të bëni dhe çfarë korrigjime ose rregullime duhet të bëhen për të rritur cilësinë e jetës tuaj. Mos harroni se çdo zgjidhje ndaj gabimit gjithmonë krijon njohje të vërtetë dhe aftësi dalluese të vërtetë në marrëdhënie.

Në periudhat tuaj të praktikës shqyrtoni gabimet që ju vijnë në mendje ndërsa rrini në heshtje vetëm dhe më pas shihni se si secili mund të përdoret për dobinë tuaj aktuale. Çfarë duhet të mësohet prej tyre? Çfarë duhet bërë që nuk ishte bërë më parë? Çfarë nuk duhet bërë që ishte bërë më parë? Si mund të dallohen paraprakisht këto gabime? Çfarë ishin shenjat që i paraprinë dhe si mund të dallohen shenja të tilla para gabimit në të ardhmen?

Përdorini këto periudha praktike për këtë proces introspektiv dhe kur të keni mbaruar, mos i flisni për rezultatet asnjë personi tjetër, por lejoni që hetimi të vazhdojë natyrisht, ashtu siç natyrisht do të ndodhë.

Praktika 26: Dy periudha praktike 30-minutëshe.

Hapi 27: Unë kam një Urtësi që dëshiroj të gjej.

Ky pohim përfaqëson vullnetin tuaj të vërtetë. Nëse nuk e ndjeni këtë, do të thotë që po konsideroni diçka që është e rremë dhe pa themel të vërtetë në qenien tuaj. Nëse keni ndjerë ndonjëherë që e vërteta ju ka tradhtuar, atëherë nuk e keni dalluar vlerën e saj. Ndoshta i ka zhgënjyer planet dhe qellimet tuaja. Ndoshta humbët diçka që me të vërtetë donit. Ndoshta ju parandaloi nga kërkimi i diçkaje të dëshirshme. Por në të gjitha rastet ju shpëtoi nga vuajtja dhe mjerimi. Derisa funksioni juaj të jetë dalluar, nuk mund ta vlerësoni se si e vërteta ju ka shërbyer, sepse derisa funksioni juaj të jetë zbuluar, do të kërkoni të pohoni dhe justifikoni funksione të tjera. Nëse këto funksione të tjera janë të dekurajuara ose mohuara nga e vërteta, mund të ketë hutim dhe konflikt të madh. Madje, mbajeni mend që e vërteta ju ka shpëtuar nga një gabim i madh që do të kishit bërë përndryshe.

Njerëzit nuk mund ta përjetojnë Dijen sepse janë të preokupuar me mendime dhe gjykime. Këto mendime dhe gjykime krijojnë një botë të vetë-mbyllur për një individ, një botë e vetë-mbyllur ku ata nuk mund të shohin jashtë. Ata mund të shohin vetëm përmbajtjen e mendimeve të tyre dhe kjo e ngjyros përvojën e tyre të jetës plotësisht, aq shumë sa nuk mund ta shohin jetën fare.

Atëherë, në dy seancat tuaja praktike 30-minutëshe, shikoni dhe shihni se si e vërteta ju ka shërbyer. Shikoni përvojat që ishin të lumtura. Shikoni përvojat që ishin të dhimshme. Sidomos në përvojat e dhimshme, shikoni se si e vërteta ju ka shërbyer. Shikoni në mënyrë të hapur. Mos e mbroni një pozitë të mëparshme nëse jeni të joshur për ta bërë këtë. Nëse dhimbja ekziston nga një humbje e mëparshme, akseptojeni dhimbjen dhe dekurajimin e saj, por mundoni të shikoni dhe shihni se si ishit në të vërtetë të shërbyer nga kjo humbje.

Pikëpamja e të qenit të shërbyer nga përvoja juaj është diçka që duhet të kultivoni. Nuk e justifikon përvojën vetë. Kuptojeni këtë. Kjo ju jep një mundësi për të përdorur përvojen tuaj për përparimin tuaj dhe fuqizimin tuaj. E vërteta operon në botën e iluzioneve për t’i ndihmuar ata që po i përgjigjen të vërtetës në jetën e tyre. Ju po i përgjigjeni të vërtetës, përndryshe nuk do të ndërmerrnit këtë program zhvillimi. Atëherë, keni arritur në pikën kthese ku duket që e vërteta konkurron me gjëra të tjera dhe është prandaj shumë e vështirë për t’u dalluar. Në këtë program zhvillimi, e vërteta do të dallohet nga gjiçka tjetër në një mënyrë që mund ta përjetoni drejtpërdrejt dhe mos të jeni të hutuar nga shfaqja e saj ose ekzistenca e saj e dobishme në jetën tuaj. Sepse e vërteta është këtu për t’ju shërbyer ashtu siç jeni këtu për të shërbyer të vërtetën.

Praktika 27: dy seanca praktike 30-minutëshe.

Hapi 28: Rishikimi

Ne do të fillojmë periudhën tonë të katërt të rishikimit me një lutje të veçantë

“Unë e pranoj Dijen time si një dhuratë nga Zoti. Unë i pranoj Mësuesit e mi si vëllezërit dhe motrat e mia të mëdha. Unë e pranoj botën time si një vend ku Dija mund të rimerret dhe kontribohet. Unë e pranoj të kaluarën time si një shfaqje të jetës pa Dije. Unë i pranoj mrekullitë e jetës sime si një shfaqje të pranisë së Dijes dhe ia jap veten tani që të kultivoj atë që është e mira më e madhe brenda vetes për t’i dhënë botës.”

Edhe një herë do të rishikojmë javën e kaluar të praktikës, duke rilexuar të gjitha udhëzimet dhe me çdo hap të rishikoni se çfarë ka ndodhur në kohën tuaj të praktikës. Sigurohuni që të pyesni veten se sa thellësisht keni qenë të përfshirë në praktikë – sa keni dashur të kërkoni dhe hetoni, sa me kujdes keni shqyrtuar përvojën tuaj dhe në çfarë mase jeni ndjerë te motivuar të depërtoni në çfarëdo pengese që mund të ekzistojë.

Periudha jonë 45-minuteshe e praktikës së rishikimit do të fillojë t’ju japë një perspektivë mbi zhvillimin tuaj në këtë përgatitje. Kjo është e dobishme jo vetëm për veten tuaj, por edhe për ata të cilët do të shërbeni në të ardhmen, sepse ashtu siç po merrni tani, do të dëshironi të jepni në çfarëdo konteksti dhe në çfarëdo forme të jetë e përshtatshme për ju. Ju duhet të kuptoni se si njerëzit mësojnë dhe si njerëzit zhvillohen. Kjo duhet të vijë nga përvoja juaj dhe duhet të përfaqësojë dashurinë dhe dhembshurinë që janë burimet natyrore të Dijes suaj. Përsëri mos lejoni që asnjë dyshim ose konfuzion t’ju largojë nga aplikimi juaj i vërtetë.

Praktika 28: Një periudhë praktike 45-minutëshe.

Hapi 29: Unë do të vëzhgoj veten time sot për të mësuar per Dijen

Në këtë ditë të veçantë të praktikës, vëzhgojeni veten gjatë gjithë ditës, duke mbajtur vetëdije për mendimet dhe sjelljen tuaj sa më shumë që të jetë e mundur. Për të zhvilluar këtë cilësi të vetë-vëzhgimit, duhet të jeni sa më te lirë nga gjykimi, sepse gjykimi ju pamundëson nga të qenit vëzhgues. Ju duhet ta studioni veten sikur të ishit dikush tjetër me të cilin mund të ishit shumë më objektiv.

Ne do të praktikojmë në çdo orë sot. Çdo orë do të duhet të kontrolloni për të parë mendimet tuaja dhe për të vëzhguar sjelljen tuaj aktuale. Ky vetë-kontroll i vazhdueshëm do t’ju lejojë të përfshiheni shumë më tepër në përvojën tuaj aktuale dhe do te lejojë Dijen tuaj të ushtroj ndikimin e saj të dobishëm mbi ju në një shkallë shumë më të madhe. Dija e di se çfarë ju duhet dhe e di se si t’ju shërbej, por duhet të mësoni se si të merrni. Me kalimin e kohës, duhet të mësoni se si të jepni gjithashtu që të mund të merrni më shumë. Marrja juaj është e rëndësishme sepse ju mundëson që të jepni, dhe dhënia është thelbi i plotësimit në këtë botë. Por nuk mund të jepni nga një gjendje e varfëruar. Prandaj, dhënia juaj duhet të jetë e mirëfilltë, e lindur nga pranueshmëria e tejmbushur që keni kultivuar brenda vetes, brenda marrëdhënieve tuaja me të tjerët dhe brenda jetës.

Çdo periudhë praktike duhet te marri vetëm disa minuta por duhet t’i kushtohet vëmendja juaj e plotë. Ju nuk keni nevojë të mbyllni sytë për ta bërë këtë, megjithëse nëse është e përshtatshme, do të jetë e dobishme. Ju mund të praktikoni në mes të një bisede me një tjetër. Në fakt, ka shumë pak rrethana që do të parandalojnë këtë moment introspeksioni. Në praktikë ju thjesht e pyesni veten: “Si ndihem?” dhe “Çfarë po bëj tani?” Kjo është e gjitha. Atëherë ndjeni nëse ka diçka që duhet të bëni që nuk po bëni. Nëse nuk ka korrigjime për të bërë, vazhdoni me atë që po bëni. Nëse duhet të bëhen korrigjime, bëjini ato sa më shpejt që të jetë e mundur. Lejoni që udhëzimi juaj i brendshëm të ndikojë tek ju, gjë që do të bëjë nëse nuk drejtoheni nga impulset, frika ose ambicia. Vëzhgojeni veten këtë ditë.

Praktika 29: Praktikë në çdo orë.

Hapi 30: Sot do të vëzhgoj botën time

Kete ditë vëzhgoni botën tuaj duke ndjekur të njëjtin plan praktike si praktikuat një ditë më parë. Vëzhgoni botën tuaj pa gjykim dhe vëzhgoni atë që po bëni në botë pa gjykim. Atëherë ndjeni nëse duhet bërë diçka. Përsëri, praktikat tuaja çdo një orë zgjasin vetëm disa minuta, dhe ndërsa praktikoni, ato do të bëhen më të shpejta, më të mprehta dhe më efektive.

Ne dëshirojmë që ju të shihni botën pa gjykim, sepse kjo do t’ju mundësojë ta shihni botën siç është në të vërtetë. Mos mendoni se e keni parë botën ashtu siç është në të vërtetë, sepse ajo që keni parë është gjykimi juaj mbi botën. Bota që do të shihni pa gjykim është një botë ndryshe nga ajo që keni parë ndonjëherë më parë.

Practika 30: Praktikë në çdo orë.

Hapi 31: Unë dëshiroj të shoh një botë që nuk e kam parë kurrë më parë.

Kjo përfaqëson dëshirën tuaj për Dije. Kjo përfaqëson dëshirën tuaj për paqe. Është e gjitha e njëjta dëshirë. Kjo dëshirë buron nga Dija juaj. Mund të konkurrojë me dëshira të tjera. Mund të kërcënojë gjëra të tjera, megjithëse nuk ka nevojë ta bëj këtë domosdoshmërisht. Prandaj, pohimi për sot reflekton vullnetin tuaj të vërtetë në jetë. Ndërsa kjo pohohet, ajo bëhet më e dukshme për ju, dhe ju jeni në gjendje ta përjetoni gjithnjë e më shumë me kalimin e kohës.

Sot në çdo orë ndjeni dëshirën tuaj për të parë një botë tjetër. Shikoni botën pa gjykim dhe thuajini vetes: “Unë dëshiroj të shoh një botë tjetër”. Bëjeni këtë çdo orë. Mundohuni të mos humbni asnjë seancë praktike. Praktikoni pavarësisht se si ndiheni, pavarësisht se çfarë po ndodh. Ju jeni më i madh se gjendjet tuaja emocionale dhe prandaj nuk keni nevojë t’i mohoni ato, megjithëse do të duhet të kontrollohen me kalimin e kohës. Ju jeni më i madh se imazhet që shihni përreth jush, sepse ato kryesisht përfaqësojnë gjykimin tuaj mbi botën. Praktikoni këtë ditë të shihni pa gjykim dhe ndjeni duke parë.

Praktika 31: Paktikë çdo orë.

Hapi 32: E vërteta është me mua. Unë mund ta ndjej.

E vërteta është me ju. Ju mund ta ndjeni, dhe mund të shkëlqejë në mendjen tuaj dhe në emocionet tuaja nëse e lejoni. Sot vazhdoni përgatitjen tuaj në zhvillimin e dëshirës për të vërtetën dhe aftësinë për të përjetuar të vërtetën.

Në dy periudhat tuaja të gjata të praktikës, secila prej 30 minuta, rrini në heshtje me sytë mbyllur, merrni frymë thellësisht dhe rregullisht, duke u përpjekur të ndjeni të vërtetën përtej shqetësimit të vazhdueshëm të mendjes suaj. Përdorni frymën tuaj për t’ju thelluar, sepse frymëmarrja juaj do t’ju çojë gjithmonë matanë mendimeve tuaja nëse i përmbaheni asaj me ndërgjegje. Mos lejoni asgjë t’ju tërheqë vëmendjen ose të mos ju bindë. Nëse diçka përshkon mendjen tuaj dhe keni vështirësi ta lëshoni atë, thoni vetes që do ta shikoni pak më vonë, por që tani po bëni një pushim të vogël nga mendja juaj. Praktikoni të ndjeni të vërtetën. Mos mendoni të vërtetën. Praktikoni të ndjeni të vërtetën.

Praktika 32: Dy periudha praktike 30-minutëshe.

Hapi 33: Unë kam një mision në jetën time për të plotësuar

Ju keni një mision në jetë për të plotësuar, një mision që ju është dhënë para se të vinit këtu, një mision që do të rishikoni pasi të jeni larguar. Ai përfshin rikuperimin e Dijes dhe angazhimin e duhur me të tjerët për të sjellë rezultate specifike në botë. Nuk është aq e rëndësishme në këtë moment që të vlerësoni jetën tuaj të tanishme për të parë nëse pasqyron këtë qëllim më të madh, sepse tani jeni përfshirë në rikuperimin e Dijes. Ndërsa Dija juaj bëhet më e fortë, ajo do të shkëlqejë mirësinë e saj mbi ju dhe përmes jush. Aktivitetet tuaja do të rregullohen siç është e nevojshme. Kështu që, ju nuk duhet të fajësoni ose të pranoni të kaluarën ose aktivitetet tuaja aktuale, sepse tani jeni duke iu bashkuar një force më të madhe brenda jush.

Në dy periudhat tuaja të praktikës sot, shikoni në idenë se ka një mision të madh që keni në jetë. Mendoni për këtë. Mos u bindni menjëherë nga përgjigjet tuaja të para. Mendoni me kujdes. Mendoni se çfarë mund të thotë kjo. Mendoni për momentet në jetën tuaj kur e keni menduar këtë më parë ose keni argëtuar mundësinë e saj. Në dy periudhat tuaja të praktikës, atëherë do të keni një mundësi ta konsideroni këtë, por kini kujdes – ende mos bëni konkluzione.

Praktoka 33: Dy periudha praktike 30-minutëshe.

Hapi 34: Unë jam një student fillestar i Dijes

Ju jeni një student fillestar i Dijes. Pavarësisht se sa intuitiv mund ta konsideroni veten, pavarësisht se sa të aftë mendërisht mund ta konsideroni veten, pavarësisht se sa të sinqertë emocionalisht mund ta konsideroni veten, pavarësisht nga përparimi juaj i njohur, ju jeni një student fillestar i Dijes. Jini të lumtur që kjo është kështu, sepse studentët fillestarë janë në gjendje të mësojnë të gjitha gjërat dhe nuk kanë nevojë të mbrojnë arritjet e tyre. Ne nuk i nënçmojmë arritjet tuaja, por në vend të kësaj dëshirojmë të ndriçojmë dritën e së vërtetës mbi madhështinë që pret të zbulohet brenda jush, një madhështi që do t’ju japë barazi të vërtetë në jetë dhe me kohë do të zbulojë atë që keni ardhur këtu posaçërisht për të bërë.

Në dy periudhat tuaja të praktikës, filloni duke pranuar për veten tuaj se jeni një student fillestar i Dijes dhe duke i kujtuar vetes që të mos bëni konkluzione të parakohshme as në lidhje me këtë kurrikulë, as në lidhje me aftësitë tuaja si student. Gjykime të tilla janë të parakohshme dhe rrallë pasqyrojnë të vërtetën në ndonje mënyrë. Ato zakonisht janë një formë vetëdekurajimi dhe kështu nuk i shërbejnë farë asnjë qëllimi të denjë.

Pasi t’ia keni deklaruar vetes idenë e sotme dhe duke i kujtuar vetes që të mos gjykoni, praktikoni 15 minuta qetësi të brendshme në dy periudhat tuaja të praktikës. Përpiquni për të ndjerë të vërtetën brenda jush. Fokusoni mendjen tuaj në një pikë, qoftë një pikë fizike ose një pikë imagjinare nëse është e nevojshme. Lëreni gjithçka të vendoset brenda. Lëreni veten të bëhet sa më e qetë dhe mos u dekurajoni nëse ka vështirësi. Ju jeni një student fillestar i Dijes dhe kështu mund të mësoni të gjitha gjërat.

Praktika 34: Dy periudha praktike 15-minutëshe.

Hapi 35: Rishikim

Ky rishikim do t’ju japë mundësinë për të mësuar diçka nga Udha e Dijes së Komunitetit të Madh. Në dy periudha 30-minutëshe të praktikës, rishikoni udhëzimet dhe përvojat e javës suaj të mëparshme në praktikë. Bëni këtë me sa më pak gjykim të jetë e mundur. Thjesht shikoni se çfarë u udhëzua, çfarë bëtë dhe cili ishte rezultati. Ky rishikim objektiv do t’ju japë akses më të madh për depërtim dhe mirëkuptim me një minimum dhimbjeje dhe vetë-abuzimi. Tani po mësoni të bëheni objektivë për jetën tuaj pa shtypur përmbajtjen e emocioneve tuaja. Në vend që të përpiqeni të shkatërroni një aspekt të vetvetes, ju thjesht po përpiqeni të kultivoni një tjetër.

Prandaj në rishikimin tuaj, përdorni këtë si një shtyllë udhëzuese: “Unë do të shikoj, por nuk do të gjykoj.” Në këtë mënyrë, ju do të jeni në gjendje të dalloni gjërat. Mos harroni se sa më lehtë mund të jetë për ju të keni pasqyrë për jetën e tjetrit dhe sa pak mund të keni për jetën tuaj. Objektiviteti më i madh është i mundur me të tjerët sepse nuk jeni duke u përpjekur të përdorni jetën e tyre për ndonjë qëllim specifik dhe në masen të cilën jeni, aq më pak i aftë do të jeni të kuptoni ata, natyrën e tyre, zhvillimin e tyre ose fatin e tyre. Prandaj, sa më pak të përpiqeni të përdorni jetën tuaj, aq më shumë do të jeni në gjendje ta kuptoni atë, ta vlerësoni atë dhe të punoni me mekanizmin e saj të brendshëm për avancimin tuaj më të madh.

Praktika 35: Dy periudha 30-minutëshe të praktikës.

Hapi 36: Jeta ime është një mister për të eksploruar.

Me te vërtet jeta juaj është një Mister dhe, po, me të vërtetë duhet që ta eksploroni nëse dëshironi të kuptoni qëllimin, kuptimin dhe drejtimin e saj të vërtetë. Kjo është thelbësore për lumturinë dhe plotësimin tuaj në botë, sepse nëse keni parë me kujdes jetën tuaj, do të kuptoni se nuk jeni kënaqur nga gjëra të vogla. Për ju që kërkoni Dijen, diçka më e madhe duhet dhënë. Ju duhet të depërtoni sipërfaqen e thjeshtë të gjërave, e cila duket qe stimulon në mënyrë adekuate shumicën e njerëzve. Ju duhet ta pranoni dëshirën tuaj më të thellë sepse do t’i shkaktoni vetes pikëllim dhe konflikt të panevojshëm. Nuk është e rëndësishme se çfarë vlerësojnë njerëzit e tjerë. Ajo qe ka rëndësi është se çfarë vlerësoni ju. Nëse po kërkoni për një kuptim më të madh, i cili është një kuptimi i vërtetë, duhet të depërtoni sipërfaqen e mendjes suaj.

Në dy periudhat tuaj te praktikës sot, përqendrohuni përsëri në meditim pasi të ndjeni praninë e Mësuesve tuaj Shpirtërorë. Kjo nuk është diçka që duhet të përpiqeni të bëni. Thjesht do të thotë të relaksoheni, të merrni frymë dhe të lejoni mendjen tuaj të hapet. Cilësia e marrëdhënies suaj me Mësuesit tuaj është thelbësore për t’ju dhënë forcë dhe inkurajim, sepse ju me të drejtë mund të dyshoni në aftësitë tuaja, por ju keni një kauzë të mirë për te besuar plotësisht aftësive të Mësuesve tuaj të cilët kanë kaluar nga kjo anë më parë për në rrugën e tyre drejt Dijes. Ata e dinë udhën, të cilën po kërkojnë tani të ndajnë me ju.

Praktika 36: Dy periudha 15-minutëshe të praktikës.

Hapi 37: Ekziston një udhë për tek Dija.

Si mund të mos ketë një udhë për tek Dija kur është vetja juaj e vërtetë? Si mund të mos ketë një mënyrë që Dija të shprehet kur është forma më e natyrshme e shprehjes? Si mund të mos ketë një mënyrë që Dija t’ju drejtojë në marrëdhënie kur Dija është burimi i përsosur i të gjitha marrëdhënieve tuaja? Ekziston një udhë për tek Dija. Do të kërkojë aftësi dhe dëshirë. Të dyja kërkojnë kohë për t’u zhvilluar. Ju duhet të mësoni të vlerësoni të vërtetën dhe të mos vlerësoni të rremën, dhe duhet kohë për të mësuar t’i ndani të dyja dhe t’i njihni ato. Duhet kohë për të mësuar qe e rrema nuk ju kënaq dhe qe e vërteta ju kënaq. Kjo duhet të mësohet përmes provave dhe gabimeve dhe përmes kontrastit. Ndërsa i afroheni Dijes, jeta juaj bëhet më e plotë, më e sigurt dhe më e drejtpërdrejtë. Duke u larguar nga ajo, ju riktheheni në konfuzion, zhgënjim dhe zemërim.

Në dy periudhat tuaja të praktikës sot, të cilat nuk do të jenë praktika meditimi, kaloni të paktën 15 minuta duke menduar për të gjitha mënyrat qe mund te fitoni akses tek Dija. Shkruani në një faqe letër të gjitha mënyrat për të arritur te Dija. Kaloni të dyja periudhat praktike duke bërë këtë dhe shteroni të gjitha mundësitë që mund të mendoni. Mundohuni të jeni shumë specifik. Përdorni imagjinatën tuaj, por përshkruani udha që duken të jenë mjaft reale dhe domethënëse për ju. Në këtë mënyrë, ju do të dini se çfarë mendoni se si të gjeni një mënyrë për tek Dija, dhe nga kjo do të kuptoni se Zoti e di rrugën te Dija.

Praktika 37: Dy periudha praktike 15 minutëshe.

Hapi 38: Zoti e di rrugën për tek Dija

Si mund të gjeni rrugën kur jeni të humbur? Si mund ta njihni sigurinë kur e vlerësoni kaq shumë të përkohshmen? Si mund ta dini fuqinë e jetës suaj kur jeni kaq të frikësuar nga kërcënimet e humbjes dhe shkatërrimit? Jeta është e mirë me ju, sepse ajo ofron jo vetëm shpërblimin, por edhe rrugën drejt shpërblimit. Nëse do t’ju lihej në dorën tuaj, do të ishte vërtet mizore, sepse do t’ju duhej të provonit çdo mundësi të vetme që mund të imagjinoni, dhe atëherë do të kishit mundësitë që të tjerët kanë konceptuar dhe madje edhe mundësitë për të arritur Dijen që të tjerët kanë përdorur me sukses, por që në fakt mund të mos funksionojnë mirë për ju. Në hapësirën tuaj të shkurtër kohore në botë, si mund t’i përmbushni të gjitha këto dhe të ruani ende vitalitetin tuaj? Si mund ta ruani inkurajimin tuaj për Dijen kur kaq shumë mënyra do t’ju zhgënjejnë?

Merrni besim sot duke ditur se Zoti e di rrugën drejt Dijes dhe ju duhet vetëm të ndiqni rrugën që ju jepet. Në këtë mënyrë, Dija thjesht shfaqet në ju, sepse ajo pranohet, sepse vetëm Zoti e njeh Dijen në ju, dhe vetëm Dija në ju e njeh Zotin. Ndërsa të dy rezonojnë së bashku, të dy bëhen më të dukshëm. Në këtë, ju gjeni paqen.

Në dy periudhat tuaja të praktikës sot,  prej 30 minutash secilën, praktikoni të ndjeni praninë e Zotit, në heshtje, në qetësi. Jo duke menduar për Zotin, jo duke spekuluar, jo duke pyetur, jo duke dyshuar, por thjesht duke ndjerë. Nuk është fantazi mbi të cilën po përqendroheni tani, megjithëse jeni mësuar të përqendroheni në fantazi. Në qetësi dhe qetësi, gjithçka bëhet e dukshme. Zoti është shumë i qetë, sepse Zoti nuk po shkon askund. Teksa qetësoheni, do të ndjeni fuqinë e Zotit.

Praktika 38: Dy periudha praktike 30-minutëshe.

Hapi 39: Fuqia e Zotit është me mua.

Fuqia e Zotit është me ju. Është brenda Dijes suaj. Mësoni, pra, të rimerrni Dijen tuaj dhe do të mësoni të rimerrni fuqinë që ju ka dhënë Zoti, dhe do të rimerrni fuqinë tuaj gjithashtu, sepse fuqia juaj do të jetë e nevojshme që t’i afroheni fuqisë së Zotit. Kështu, gjithçka që është vërtet e fuqishme dhe gjithçka që është vërtet e mirë do të afirmohet brenda jush dhe brenda Zotit. Qoftë kjo ditë, pra, një ditë e dhënë për të përjetuar këtë prani dhe këtë fuqi në jetën tuaj. Nuk duhet ta imagjinoni Zotin në fantazi. Ju nuk keni nevojë të keni fotografi ose imazhe për të përforcuar të kuptuarit ose besimin tuaj. Ju duhet vetëm të përdorni praktikat që janë dhënë këtu.

Në dy praktikat tuaja të thella të meditimit 30-minutëshe secilën, hyni edhe një herë në qetësi dhe lëreni veten të ndjeni fuqinë e Zotit. Përdorni fuqinë tuaj për të drejtuar mendjen tuaj dhe mos lejoni që dyshimet ose frika t’ju shkëpusin. Fuqia e Zotit përfaqëson misterin e jetës suaj, sepse ajo përfaqëson fuqinë që keni sjellë me vete nga Zoti për t’u përdorur siç duhet në botë sipas Planit të Madh. Lejojeni veten, pra, të hyni në praktikë me përkushtim, me thjeshtësi dhe me përulësi, në mënyrë që të ndjeni fuqinë e Zotit.

Praktika 39: Dy periudha praktike 30-minutëshe.

Hapi 40: Sot do të ndiej fuqinë e Zotit.

Fuqia e Zotit është aq e plotë dhe aq përfshirëse saqë infuzon gjithçka. Vetëm ato mendjet që janë të ndara dhe të humbura në vlerësimin e mendimeve të tyre mund të ndahen nga dashamirësia e madhe e Zotit. Ata që i janë përgjigjur Zotit bëhen të Dërguar të Zotit në kohë, në mënyrë që të mund t’u japin dhuratat e Hirit atyre që mbeten mbrapa në konfuzion.

Të gjitha fuqitë e dukshme të botës suaj – forcat e natyrës, pashmangshmëria e vdekjes suaj, kërcënimi gjithnjë i pranishëm i sëmundjes, humbjes dhe shkatërrimit dhe të gjitha shfaqjet e konfliktit – janë të gjitha lëvizje të përkohshme në qetësinë e madhe të Zotit. Është kjo qetësi e madhe që ju thërret të ktheheni në paqen dhe kënaqësinë e plotë të Zotit, por ju duhet të përgatiteni.

Sot përgatiteni në dy periudhat tuaja të praktikës 30-minutëshe. Në meditim të heshtur, përpiquni të ndjeni fuqinë e Zotit. Ju nuk keni nevojë të krijoni imazhe magjike, sepse kjo fuqi është diçka që mund ta ndjeni, sepse është kudo. Pavarësisht nga rrethanat apo gjendja juaj, qofshin të favorshme për zhvillimin tuaj apo jo, sot ju mund të ndjeni fuqinë e Zotit.

Praktika 40: Dy periudha praktike 30-minutëshe.

Hapi 41: Unë nuk kam frikë nga fuqia e Zotit.

Ky pohim është aq i rëndësishëm për lumturinë tuaj, sepse duhet të mësoni përsëri të besoni fuqinë e dashurisë dhe fuqisë së Zotit. Për këtë ju duhet të hiqni dorë nga idetë tuaja të mëparshme, supozimet dhe vlerësimet e përvojave të dhimbshme të së kaluarës. Është e dhimbshme të ndahesh nga ajo që doni përtej çdo gjëje dhe e vetmja mënyrë për ta ruajtur këtë ndarje është të flasësh keq për atë që doni, t’i japësh një qëllim të keq dhe më pas të krijosh faj brenda vetes. Për të ndjerë dhe pranuar fuqinë e Zotit, e keqja dhe faji duhet të largohen nga ju. Ju duhet të vazhdoni përpara për të eksploruar atë që është më e natyrshme. Është sikur të krijosh një terren të ri dhe të rikthehesh në vetvete në të njëjtën kohë.

Pra, në qetësi, praktikoni dy herë sot të ndjeni fuqinë e Zotit. Mos kërkoni përgjigje nga Zoti. Nuk ka nevojë të flisni fare, por vetëm të jeni të pranishëm, sepse ndërsa mësoni të jeni në marrëdhënie me atë që është burimi i të gjitha marrëdhënieve tuaja, informacioni që ju nevojitet mund t’ju vijë lehtësisht për t’ju udhëhequr, ngushëlluar dhe korrigjuar kur është e nevojshme. Por së pari ju duhet të ndjeni fuqinë e Zotit dhe në këtë do të gjeni forcën tuaj.

Praktika 41: Dy periudha praktike 30-minutëshe.

Hapi 42: Rishikimi

Në rishikimin tuaj sot, rishikoni të gjitha udhëzimet e dhëna në javën e kaluar dhe përvojat tuaja të praktikës. Tregoni kujdes të veçantë sot për të parë se sa thellë dhe me kujdes po praktikoni. Sigurohuni që të mos ndryshoni ose modifikoni mësimet për të përmbushur shijet ose pritjet tuaja. Mos harroni se ju duhet vetëm të ndiqni kurrikulën për të marrë shpërblimet e saj të vërteta. Pjesa juaj është e vogël. Pjesa jonë është e madhe. Ne i japim mjetet. Ju duhet vetëm t’i ndiqni ato, në besim dhe në shpresë të vërtetë. Duke bërë këtë, ju do të zhvilloni durim, aftësi dalluese, besim, qëndrueshmëri dhe vetëvlerësim. Pse vetëvlerësim? Sepse ju duhet ta vlerësoni veten shumë për t’i lejuar vetes t’i afroheni dhuratave të mëdha të Dijes. Asgjë tjetër nuk do ta zhbëjë urrejtjen dhe dyshimin ndaj vetes në mënyrë më të përshtatshme dhe më të plotë sesa pranimi i dhuratave që janë të destinuara për ju.

Prandaj, në një periudhë të gjatë praktike sot, rishikoni javën e kaluar të praktikës. Pa gjykim, shikoni dhe vëzhgoni se çfarë ju është ofruar, çfarë keni bërë dhe çfarë mund të bëhet për të thelluar praktikën tuaj, në mënyrë që të merrni përfitimet e saj më drejtpërdrejt. Nëse keni vështirësi, dallojini problemet dhe përpiquni t’i korrigjoni ato. Jepini javës përpara përfshirje më të madhe. Duke vepruar kështu, ju do të korrigjoni dyshimin në vetvete dhe konfuzionin thjesht duke drejtuar vullnetin tuaj.

Praktika 42: Një periudhë e gjatë praktike.

Hapi 43: Vullneti im është të njoh Zotin.

Vullneti juaj është të njihni Zotin. Ky është vullneti juaj i vërtetë. Çdo dëshirë apo motivim tjetër është t’i shmangesh kësaj, që përfaqëson vullnetin tuaj. Është vullneti juaj që ju është bërë i frikshëm. Keni frikë nga ajo që dini dhe ndjeni më thellë. Kjo ju bën të gjeni strehim në gjëra të tjera që nuk ju përfaqësojnë, dhe në këtë ju humbni identitetin tuaj dhe përpiqeni të ndërtoni një identitet që ka të bëj me ato gjëra që kerkoni për t’u shmangur. Në izolim jeni të mjerë, por në marrëdhënie lumturia rifitohet.

Vullneti juaj është të njihni Zotin. Mos kini frikë nga vullneti juaj. Ju jeni krijuar nga Zoti. Vullneti i Zotit është të ju njohë. Vullneti juaj është të njihni Zotin. Nuk ka vullnet tjetër. Të gjitha motivimet përveç kësaj lindin thjesht nga konfuzioni dhe frika. Të njohësh Zotin i jep Zotit fuqi dhe ju jep ju fuqi gjithashtu.

Në dy periudhat tuaj praktike sot, në meditim të heshtur, praktikoni të ndjeni forcën e vullnetit tuaj. Mos lejoni që frika dhe dyshimi të turbullojnë mendjen tuaj. Nuk duhet të përpiqeni të ndjeni vullnetin e Zotit. Është thjesht aty. Thjesht kërkon vëmendjen tuaj që ju ta njihni atë. Prandaj, praktikoni thellë duke qenë thjesht të pranishëm në këtë përvojë.

Praktika 43: Dy periudha praktike 30-minutëshe.

Hapi 44: Unë dëshiroj të njoh fuqinë time. 

Këtë pohim mund ta gjeni shumë të pranueshëm për shkak të nevojës suaj të menjëhershme për të në rrethanat tuaja aktuale, por pohimi është shumë më i thellë se sa mund ta kuptoni në fillim. Ju keni shumë më tepër forcë sesa keni pretenduar, por ajo nuk mund të realizohet plotësisht derisa zbatimi i saj të drejtohet në një mënyrë që ju rigjeneron vërtet dhe nxjerr në pah aftësitë tuaja të vërteta.

Si mund t’i afroheni forcës suaj kur ndiheni të dobët dhe të pafuqishëm, kur ndiheni të padenjë, nëse jeni të ngarkuar nga faji ose konfuzioni ose në zemërim fajësoni të tjerët për dështimet tuaja të dukshme? Të pohoni forcën tuaj do të thotë të lëshoni gjithçka që ju mban mbrapa. Ju nuk i lironi pengesat tuaja duke pretenduar se ato nuk ekzistojnë. Ju i lironi sepse vlerësoni diçka më të madhe. Pengimi i tyre është thjesht një shenjë që ju duhet të kaloni nëpër to. Forca juaj më pas kultivohet. Ju kërkoni fuqinë tuaj dhe e përdorni atë për të gjetur forcen tuaj. Ne dëshirojmë që ju të njihni fuqin tuaj dhe ta përdorni atë në emrin tuaj.

Në dy praktikat tuaja të meditimit sot, në heshtje dhe në qetësi, përpiquni të ndjeni fuqinë tuaj. Mos lejoni që mendimet t’ju largojnë, sepse frika dhe dyshimet janë vetëm mendime – gjëra të avulluara që ju kalojnë në mendje si retë. Matanë reve të mendjes suaj është universi i madh i Dijes. Prandaj, mos lejoni që retë t’ju pengojnë shikimin e yjeve matanë.

Praktika 44: Dy periudha praktike 30-minutëshe.

Hapi 45: Vetëm unë nuk mund të bëj asgjë. 

Vetëm nuk mund të bëni asgjë. Asgjë nuk është arritur kurrë vetëm, madje as në botën tuaj. Asgjë nuk është krijuar vetëm, qoftë edhe në mendjen tuaj. Nuk ka asnjë kredi për t’u marrë duke bërë diçka vetëm. Gjithçka është një përpjekje e përbashkët. Gjithçka është produkt i marrëdhënies.

A ju nënçmon kjo ju si individ? Me siguri jo. Kjo ju jep mjedisin dhe mirëkuptimin për të realizuar arritjet tuaja të vërteta. Ju jeni më i madh se individualiteti juaj, dhe kështu mund të jeni të lirë nga kufizimet e tij. Ju punoni përmes individit që jeni ju personalisht, por jeni më i madh se kaq. Pranojini kufizimet e një vetje të kufizuar dhe mos kërkoni që një vetvete e kufizuar të jetë Zot, përndryshe do t’i jepni ngarkesa të mëdha dhe pritshmëri të mëdha dhe më pas do ta dënoni për dështimet e tij. Kjo drejton në urrejtje ndaj vetvetes. Kjo ju bën të urreni ekzistencën tuaj fizike dhe të abuzoni veten personalisht, emocionalisht dhe fizikisht. Pranoni kufizimet tuaja në mënyrë që të mund të pranoni madhështinë brenda jetës suaj.

Prandaj në dy periudhat tuaja praktike sot, me sytë hapur, përqendrohuni tani në kufizimet tuaja. Dallojini ato. Mos i gjykoni si të mira apo të këqija. Thjesht dallojini. Kjo ju jep përulësi dhe në përulësi jeni në pozicion për të marrë madhështinë. Nëse jeni duke mbrojtur kufizimet tuaja, si mund të merrni atë që i tejkalon ato?

Praktika 45: Dy periudha praktike 15-minutëshe.

Hapi 46: Duhet të jem i vogël për të qenë i madh

A është një kontradiktë që duhet të jesh i vogël për të qenë i madh? Nuk është kontradiktë nëse e kuptoni kuptimin e saj. Njohja e kufizimeve tuaja ju lejon të punoni në një kontekst të kufizuar me shumë sukses. Kjo tregon një realitet më të madh se sa mund ta kishit kuptuar më parë. Madhështia juaj nuk duhet të bazohet thjesht në shpresë ose pritshmëri të larta. Ajo nuk duhet të bazohet në idealizëm, por në përvojë të vërtetë.  Lejojeni veten të jeni të vogël dhe do të përjetoni se madhështia është me ju dhe se madhështia është pjesë e juaja.

Në dy periudhat tuaja praktike sot, lejojeni veten të jeni të kufizuar por pa gjykim. Nuk ka asnjë dënim. Angazhoni në mënyrë aktive mendjen tuaj në fokusimin e kufizimeve tuaja.  Përqendrohuni pa dënuar. Shikoni objektivisht. Ju duhet të jeni mjeti i një Realitet më të Madh për t’u shprehur në këtë botë. Mjeti juaj për t’u shprehur është mjaft i kufizuar, por është plotësisht i përshtatshëm për të plotësuar detyrën që është e juaja për të plotësuar. Duke pranuar kufizimet e tij, ju mund të kuptoni mekanizmin e tij dhe të mësoni të punoni me të në mënyrë konstruktive. Atëherë nuk është më një kufizim, por një formë e lumtur shprehjeje për ju.

Praktika 46: Dy periudha praktike 15-minutëshe.

Hapi 47: Pse më duhen Mësuesë?

Do ta bëni këtë pyetje herët apo vonë dhe ndoshta në shumë raste. Është e lindur nga pritshmëritë tuaja ndaj vetes që do ta bënit këtë pyetje. Megjithatë, kur shikoni me kujdes jetën tuaj, do të shihni se keni kërkuar udhëzim për gjithçka që keni mësuar. Ndoshta gjërat që keni ndjerë brenda vetes dukeshin se janë krijuar nga ju, por edhe ato janë rezultat i udhëzimeve. Ju jeni përgatitur përmes marrëdhënieve për gjithçka që keni mësuar, qoftë një aftësi praktike apo një depërtim më i thellë. Realizimi i kësaj ngjall vlerësim të madh për marrëdhëniet dhe një afirmim të plotë të fuqisë së kontributit në botë.

Nëse keni ndërmend të mësoni ndonjë aftësi, së pari ju duhet të kuptoni se sa shumë nuk dini, më pas duhet të kuptoni se sa shumë keni nevojë të mësoni dhe më pas duhet të kërkoni formën më të mirë të udhëzimit të mundshëm. Kjo duhet të zbatohet për rikuperimin e Dijes.  Ju duhet të kuptoni se sa pak dini, sa shumë duhet të dini dhe më pas të merrni udhëzimin që jepet. A është dobësi të kesh nevojë për mësues? Jo. Është një njohuri e ndershme e bazuar në një vlerësim të ndershëm. Nëse e kuptoni se sa pak dini dhe sa shumë keni nevojë të dini dhe fuqinë e vetë Dijes, do të kuptoni se sa e qartë është kjo.  Si mund t’u jepni atyre që mendojnë se tashmë kanë, kur në të vërtetë janë të varfër? Nuk mundeni. Dhe varfëria e tyre do të vetëshkaktohet dhe do të ruhet vetë.

Pse keni nevojë për Mësues? Sepse ju duhet të mësoni. Dhe ju duhet të çmësoni atë që keni mësuar që po ju pengon. Në dy periudhat tuaja të praktikës sot, me sytë mbyllur në meditim, merrni parasysh pse keni nevojë për një Mësues. Vëzhgoni çdo mendim që duket se tregon se mund ta bëni vetë nëse do të ishit mjaft të zgjuar ose mjaft të fortë ose të përmbushnit ndonjë kualifikim tjetër. Nëse lindin këto pritshmëri, njohini ato për atë që janë. Ato janë një këmbëngulje që ju të mbeteni injorantë duke e shpallur veten instruktor të aftë. Ju nuk mund t’i mësoni vetes atë që nuk dini, dhe përpjekja për ta bërë këtë thjesht riqarkullon informacione të vjetra dhe ju lidh më tepër me ate ku jeni tani.

Prandaj, në praktikë sot pranoni nevojën tuaj për udhëzim të vërtetë dhe rezistencën tuaj, nëse është aty, ndaj pranisë së udhëzimit të vërtetë që është në dispozicion për ju tani.

Praktika 47: Dy periudha praktike 30-minutëshe.

Hapi 48: Udhëzim i vërtetë është i disponueshëm për mua.

Udhëzim i vërtetë është i disponueshëm për mua. Ka qenë duke pritur që ju të arrini pikën e pjekurisë që ta kuptoni domosdoshmërinë e tij në jetën tuaj. Kjo krijon motivim të vërtetë për të mësuar. Ajo lind nga njohja e kufizimeve tuaja në dritën e asaj që është nevoja juaj e vërtetë.  Ju duhet ta doni veten për t’u bërë student i Dijes dhe ta doni vazhdimisht veten për të vazhduar. Nuk ka asnjë pengesë tjetër për të mësuar përveç kësaj. Pa dashuri ka frikë, sepse asgjë tjetër nuk mund ta zëvendësojë dashurinë. Por dashuria nuk është zëvendësuar dhe ndihma e vërtetë është në dispozicionin tuaj.

Në dy praktikat tuaja të meditimit për sot, përpiquni të ndjeni praninë e asaj ndihme të vërtetë.  Në qetësi dhe në heshtje, ndjejeni këtë brenda jetës suaj dhe rreth jush. Këto praktika meditimi do të fillojnë të hapin një ndjeshmëri më të madhe brenda jush, një ndjenjë krejtësisht të re.  Do të filloni të dalloni gjërat që janë të pranishme, edhe pse nuk mund t’i shihni ato. Ju do të jeni në gjendje t’u përgjigjeni ideve dhe informacioneve, edhe pse nuk mund ta dëgjoni ende burimin e mesazhit. Ky është procesi aktual për mendim kreativë, sepse njerëzit marrin ide; ata nuk i krijojnë ato. Ju jeni pjesë e një jete më të madhe. Jeta juaj personale është mjeti për shprehjen e saj. Individualiteti juaj, pra, bëhet më i kultivuar dhe më i gëzuar, jo më një burg për ju, por forma e shprehjes suaj të lumtur

Ndihmë e vërtetë është në dispozicionin tuaj. Praktikoni këtë ditë duke ndjerë praninë e saj të qëndrueshme në jetën tuaj.

Praktika 48: Dy periudha praktike 30-minutëshe.

Hapi 49: Rishikim 

Kjo shënon përfundimin e javës suaj të shtatë të praktikës. Në këtë përmbledhje, ju kërkohet të rishikoni të gjithë shtatë javët e praktikës, duke rishikuar të gjitha udhëzimet dhe duke kujtuar përvojën tuaj të përdorimit të secilës. Kjo mund të kërkojë disa periudha më të gjata praktike, por është shumë thelbësore që ju të kuptoni se çfarë do të thotë të jesh student dhe se si realizohet në të vërtetë të mësuarit.

Jini shumë të kujdesshëm të mos gjykoni veten si student. Ju nuk jeni në gjendje të gjykoni veten si student. Nuk i keni kriteret, sepse nuk jeni mësues i Vetë-Dijes. Ndërsa vazhdoni, do të zbuloni se disa nga dështimet tuaja do ju çojnë në suksese më të mëdha dhe se disa nga ato që keni menduar si suksese mund tju çojnë në dështime. Kjo do të nënvizojë të gjithë sistemin tuaj të vlerësimit dhe do t’ju çojë në një njohje më të madhe. Kjo do ta bëjë të mundshme për ju që të jeni të dhembshur ndaj vetes dhe ndaj të tjerëve, të cilët tani i gjykoni për sukseset dhe dështimet e tyre

Rishikoni, atëherë, dyzetë e tetë mësimet e para të praktikës. Përpiquni të kujtoni se si iu përgjigjët secilit hap dhe sa thellë e përfshit veten. Mundohuni të shikoni sukseset tuaja, arritjet tuaja dhe pengesat tuaja. Keni arritur deri këtu. Urime! Ju keni kaluar testin e parë. Jini të inkurajuar tani për të vazhduar, sepse Dija është me ju.

Praktika 49: Disa periudha të gjata praktike.

Hapi 50: Sot do të jem me Dijen

Jini me Dijen sot që të keni në dispozicion sigurinë dhe fuqinë e Dijes. Lejoni që Dija t’ju japë qetësi.  Lejoni që Dija t’ju japë forcë dhe aftësi. Lejoni që Dija t’ju mësojë. Lejoni që Dija të zbulojë universin ashtu siç ekziston vërtet, jo siç e gjykoni ju të jetë.

Në dy periudhat tuaja praktike, praktikoni në qetësi duke ndjerë fuqinë e Dijes. Mos bëni pyetje. Kjo nuk është e nevojshme tani. Mos debatoni me veten për realitetin e ndjekjes suaj, sepse kjo është e kotë dhe e pakuptimtë. Ju nuk mund të dini derisa të merrni, dhe për të marrë duhet të besoni prirjen tuaj për të ditur.

Sot jini me Dijen. Në periudhat tuaja të praktikës, mos lejoni asgjë t’ju dekurajojë. Ju duhet vetëm të relaksoheni dhe të jeni të pranishëm. Nga këto praktika do të dallohet një prani më e madhe dhe kjo do të fillojë të zbusë frikën tuaj.

Praktika 50: Dy periudha praktike 30-minutëshe.

Hapi 51: Le të dalloj frikat e mia në mënyrë që të shoh të vërtetën matanë tyre.

Pengesat tuaja duhet të dallohen në mënyrë që ju të shihni matanë tyre. Nëse ato nuk perfillen ose mohohen, nëse mbrohen ose thirren me emra të tjera, ju nuk do ta kuptoni natyrën e kufizimit tuaj.  Nuk do ta kuptoni atë që ju shtyp. Jeta juaj nuk është e lindur nga frika. Burimi juaj nuk është i lindur nga frika. Të jesh në gjendje të njohësh frikën tuaj do të thotë që duhet të kuptosh se jeni pjesë e diçkaje më të madhe. Duke e kuptuar këtë, ju mund të mësoni të bëheni objektivë për jetën tuaj dhe të kuptoni rrethanat tuaja aktuale pa vetëdënim, sepse është brenda këtyre rrethanave që ju duhet të kultivoni veten. Ju duhet të filloni nga aty ku jeni. Për ta bërë këtë, duhet të bëni një inventar të pikave tuaja të forta dhe të dobëta.

Në dy periudhat tuaja praktike sot, vlerësoni ekzistencën e frikës suaj dhe kujtojini vetes se realiteti juaj është matanë tyre, por që ju duhet t’i njihni ato për të kuptuar praninë e tyre të dëmshme në jetën tuaj.  Mbyllni sytë dhe përsëritni idenë për sot; atëherë merrni parasysh çdo frikë që lind në mendjen tuaj.  Kujtojini vetes se e vërteta është matanë asaj frike specifike. Lejoni të dalin të gjitha frikat dhe vlerësojini në këtë mënyrë.

Për të qenë pa frikë, duhet të kuptoni frikën, mekanizmin e saj, ndikimin e saj te njerëzit dhe rezultatin e saj në botë. Ju duhet ta kuptoni këtë pa mashtrim dhe pa preferencë. Ju jeni një qenie e madhe që punon në një kontekst të kufizuar, në një mjedis të kufizuar. Kuptoni kufizimet e mjedisit tuaj dhe kuptoni kufizimet e mjetit tuaj dhe nuk do ta urreni më veten për të qenë i kufizuar.

Praktika 51: Dy periudha praktike 30-minutëshe.

Hapi 52: Unë jam i lirë të gjej burimin e Dijes sime.

Burimi i Dijes suaj ekziston brenda jush dhe matanë jush gjithashtu. Nuk ka asnjë dallim për burimin e Dijes se ku ekziston, sepse ajo është kudo. Jeta juaj është shpëtuar sepse Perëndia ka mbjellë Dijen brenda jush. Por ju nuk do ta kuptoni shpëtimin tuaj derisa Dija të jetë lejuar të shfaqet dhe t’ju japë dhuratat e saj. Cila liri tjetër është liri përveç asaj që ju mundëson të merrni dhuratën e jetës suaj të vërtetë? E gjithë liria tjetër është liria për të qenë kaotik, liria për të dëmtuar veten. Liria e madhe është të gjesh Dijen tuaj dhe ta lejosh atë të shprehet nëpërmjet jush. Sot ju jeni të lirë të gjeni burimin e Dijes suaj.

Në dy periudhat tuaja të praktikës në heshtje, merrni burimin e Dijes suaj. Kujtojini vetes se jeni të lirë ta bëni këtë. Pavarësisht nga frika apo ankthi, pavarësisht nga çdo ndjenjë faji apo turpi, lejojini vetes të merrni burimin e Dijes suaj. Jeni të lirë të merrni burimin e Dijes suaj sot.

Praktika 52: Dy periudha praktike 30-minutëshe.

Hapi 53: Dhuratat e mia janë për të tjerët.

Dhuratat tuaja janë për t’u dhënë të tjerëve, por së pari ju duhet t’i njihni dhuratat tuaja dhe t’i ndani ato nga idetë që i frenojnë, i ndryshojnë ose i mohojnë. Si mund ta kuptoni veten përveçse në kontekstin e kontributit për të tjerët? Vetëm nuk mund të bëni asgjë. Vetëm nuk keni asnjë kuptim. Kjo është sepse ju nuk jeni vetëm. Kjo do të shihet si një barrë dhe si një kërcënim derisa të kuptoni kuptimin e madh që ka dhe dhurata që është në të vërtetë. Është shpëtimi i jetës suaj. Kur jeta ju rifiton, ju rifitoni jetën dhe merrni të gjitha shpërblimet e saj, të cilat tejkalojnë çdo gjë që mund t’i jepni vetes. Vlera e jetës suaj plotësohet dhe demonstrohet plotësisht përmes kontributit tuaj për të tjerët, sepse derisa të ekzistojë kontributi, ju mund ta kuptoni vetëm pjesërisht veten tuaj – vlerën tuaj, qëllimin tuaj, kuptimin dhe drejtimin tuaj.

Në dy periudhat tuaja të praktikës sot, ndjeni dëshirën tuaj për të kontribuar për të tjerit. Ju nuk keni nevojë të përcaktoni tani se çfarë dëshironi të kontribuoni. Kjo nuk është aq e rëndësishme sa dëshira juaj për të kontribuar, sepse forma e kontributit do t’ju bëhet e dukshme me kalimin e kohës dhe do të zhvillohet gjithashtu. Është dëshira juaj për të kontribuar e lindur nga motivimi i vërtetë që do t’ju japë gëzim këtë ditë.

Praktika 53: Dy periudha praktike 30-minutëshe.

Hapi 54: Unë nuk do jetoj në idealizëm.

Çfarë është idealizmi përveç ide për gjëra që shpresohen bazuar në zhgënjimine? Idealizmi juaj përfshin veten, marrëdhëniet tuaja dhe botën në të cilën jetoni. Ai përfshin Zotin dhe jetën dhe të gjitha sferat e përvojës që mund të imagjinoni. Pa përvojë, ka idealizëm. Idealizmi mund të jetë i dobishëm në fillim, sepse mund t’ju fillojë që të lëvizni në një drejtim të vërtetë, por nuk duhet të mbështesni konkluzjonet tuaja ose identitetin tuaj mbi të, sepse vetëm përvoja mund t’ju japë atë që është e vërtetë për ju dhe atë që ju mund të pranoni. Le të mos ju udhëheqë idealizmi, sepse Dija është këtu për t’ju udhëhequr.

Në dy periudhat tuaja të praktikës sot, dalloni se deri ku arrin idealizmi juaj. Vëzhgoni me kujdes se çfarë dëshironi të jeni, çfarë dëshironi të jetë bota juaj dhe çfarë dëshironi të jenë marrëdhëniet tuaja.  Përsëritni idenë e sotme dhe, me sy mbyllur, shqyrtoni secilin nga idealet tuaja. Edhe pse idealet tuaja mund të duken të dobishme dhe të duken se përfaqësojnë dëshirën tuaj për dashuri dhe harmoni, ato në fakt ju pengojnë, sepse zëvendësojnë atë që do t’ju jepte vërtet dhuratat që kërkoni.

Praktika 54: Dy periudha praktike 30-minutëshe.

Hapi 55: Unë do ta pranoj botën ashtu siç është.

Idealizmi është përpjekja për mos të pranuar botën ashtu siç është. Justifikon fajin dhe dënimin. Krijon pritshmëri për një jetë që ende nuk ekziston dhe kështu ju bën të prekshëm ndaj zhgënjimeve të rënda. Idealizmi juaj forcon dënimin tuaj.

Pranojeni botën sot ashtu siç është, jo ashtu siç dëshironi të jetë. Me pranimin vjen dashuria, sepse nuk mund të duash një botë që dëshiron të ekzistojë. Ju mund të doni vetëm një botë që ekziston ashtu siç është. Pranojeni veten tani ashtu siç jeni dhe dëshira e vërtetë për ndryshim dhe përparim do të shfaqet natyrisht brenda jush. Idealizmi justifikon dënimin. Njihni këtë të vërtetë të madhe dhe do të filloni të keni një përvojë më të menjëhershme dhe më të thellë të jetës dhe asaj që është e vërtetë dhe jo e bazuar në shpresë apo pritje, por në angazhim të vërtetë.

Prandaj, në dy periudhat tuaja të praktikës 30-minutëshe sot, përqendrohuni në pranimin e gjërave pikërisht ashtu siç janë. Ju nuk po e falni dhunën, konfliktin apo injorancën duke e bërë këtë. Ju thjesht po pranoni kushtet që ekzistojnë kështu që të mund të punoni me to në mënyrë konstruktive. Pa këtë pranim, nuk keni vend për një fillim të vërtetë. Lëreni botën të jetë pikërisht ashtu siç është, sepse është kjo bota që ju keni ardhur për t’i shërbyer.

Praktika 55: Dy periudha praktike 30-minutëshe.

Hapi 56: Rishikim

Në rishikimin e sotshëm, rishikoni javën e kaluar të mësimeve dhe përfshirjen tuaj me të. Përpiquni të kuptoni se megjithëse përparimi mund të duket i ngadalshëm në fillim, ai që është i ngadalshëm dhe i balancuar do të përparojë shumë. Përfshirja që zbatohet vazhdimisht do t’ju japë vijën e drejtë të arritjes suaj.

Në rishikimin tuaj, ne përsëri ju kujtojmë që të përmbaheni nga vetëgjykimi nëse nuk i keni përmbushur pritshmëritë tuaja. Thjesht kuptoni se çfarë kërkohet për të ndjekur udhëzimet siç janë dhënë dhe përfshihuni me to sa plotësisht që të mundeni. Mos harroni se po mësoni të mësoni dhe mbani mend se po mësoni të rikuperoni vetëvlerësimin dhe aftësitë tuaja të vërteta.

Praktika 56: Një periudhë e gjatë praktike.

1. Shpallja

siç i është shpallur
Lajmëtarit të Zotit
Marshall Vian Summers
më 7 korrik 2006
në Boulder, Kolorado

Ka një Mesazh të ri nga Zoti në botë. Ka ardhur nga Krijuesi i të gjithë jetës.

Është përkthyer në gjuhë dhe kuptueshmëri njerëzore përmes Pranisë Engjëllore që mbikëqyr këtë botë.

Vazhdon serinë e madhe të transmetimeve nga Krijuesi që kanë ndodhur gjatë shekujve dhe mijëvjeçarëve.

Është një Mesazh i Ri për këtë kohë dhe për kohët që do të vijnë.

I plotëson Mesazhet e mëparshme që i janë dhënë njerëzimit dhe njëkohësisht zbulon gjëra që nuk i janë treguar ndonjëherë njerëzimit më parë. Sepse njerëzimi tani po përballon një seri sfidash të rënda dhe të rrezikshme, si brenda dhe nga matanë botës.

Mesazhi i Ri nga Zoti është këtu për të paralajmëruar, për të fuqizuar dhe për të përgatitur familjen njerëzore – njerëzit nga të gjitha kombet dhe traditat fetare, nga të gjitha fiset, grupet dhe drejtimet.

Ka ardhur në kohën e një nevoje të madhe, një kohë më pasoja të mëdha. I përgatit njerëzit për gjëra që as nuk janë kuptuar.

Është profetik në paralajmërimin e njerëzve për Dallgët e Mëdha të ndryshimit që po vijnë në botë dhe për pozicionin e njerëzimit në univers, sidomos në lidhje me kontaktin me raca të tjera.

I bën thirrje pranisë së madhe shpirtërore brenda çdo personi – dhuratës së madhe të Dijes që i është dhëne të gjithë familjes njerëzore, e cila tani duhet të kultivohet, të përforcohet dhe të sillet përpara.

I flet nevojës së madhe shpirtërore të individit – nevojës për qëllim, kuptim dhe drejtim.

I flet marrëdhënieve të mëdha që njerëzit mund të krijojnë me njëri-tjetrin, marrëdhëniet që përfaqësojnë qëllimin e tyre të madh në jetë.

I flet nevojave të botës dhe nevojave të së ardhmes. Në këtë mënyrë, sjell qëllim dhe pranim, unitet dhe bashkëpunim, urtësi dhe fuqi, për të gjithë ata që mund ta marrin, që mund ta mësojnë, që mund t’i ndjekin hapat e tij, që mund t’ia kontribuojnë të tjerëve dhe që mund të përhapin urtësinë e tij në shërbim të njerëzve të tjerë, familjeve, komuniteteve, kombeve dhe të gjithë botës.

Merreni këtë bekim. Mësoni nga Mesazhi i Ri nga Zoti. Kuptojeni se do të afirmojë gjithçka që është e vërtetë në traditat tuaja aktuale dhe do t’i flasë urtesisë suaj të thellë që ju tashmë keni. Do t’i flasë zemrës suaj, madje matanë mendimeve dhe besimeve tuaja dhe mendimeve dhe besimeve të kulturës dhe të kombit tuaj.

Merreni këtë dhuratë dhe mesoni nga ajo me durim, duke marrë Hapat drejt Dijes, duke mësuar urtësinë e Komunitetit të Madh dhe duke kuptuar fuqinë e Spiritualitetit të Vetëm të njerëzimit për ta bashkuar njerëzimin, për ta përforcuar njerëzimin dhe për ta përgatitur njerëzimin për t’i dalluar dhe për t’i lundruar kohët e vështira përpara.

Merreni Mesazhin e Ri në thirrjen e tij për ruajtjen dhe përforcimin e lirisë, bashkëpunimit dhe përgjegjësisë njerëzore.

Sepse pa këtë Mesazh të Ri, njerëzimi po përballon një rënie të rëndë dhe të papritur.

Po përballon humbjen e lirisë dhe të sovranitetit të tij në këtë botë ndaj forca të tjera ndërhyrëse nga universi rreth jush.

Pa këtë Masazh të Ri, shpirti njerëzor do të ngelet në gjumë dhe njerëzit do të jetojnë jeta dëshpërimi, konkurrence dhe konflikti.

Është Vullneti i Krijuesit që njerëzimi të hyjë në Komunitetin e Madh të jetës në univers si një racë e lirë dhe sovrane – si një racë e fortë, si një racë e bashkuar, si një racë që mund të mbajë diversitetin e saj kulturor dhe në të njëjtën kohë të nderojë forcën dhe qëllimin e saj të thellë, të cilat do ta mbajnë familjen njerëzore të gjallë, aktive dhe kreative, duke paraqitur një opotunitet të ri për përparim në të ardhmen.

Por për të ecur duhet që të mbijetoni. Duhet të mbijetoni kohët e vështira përpara dhe duhet të mbijetoni konkurrencën nga matanë botës në lidhje me atë se kush do të kontrollojë këtë botë dhe fatin e saj.

Çdo individ duhet ta dijë se ka një oportunitet të madh për të zbuluar Dijen e thellë që Zoti i ka dhënë – Dija që përmban qëllimin, kuptimin dhe drejtimin e tij dhe kriteret për të gjitha marrëdhëniet domethënëse.

Prandaj, ka një Mesazh të Ri nga Zoti për individin dhe ka një Mesazh të Ri nga Zoti për të gjithë botën. Është këtu tani.

I është dashur një kohë e gjatë Lajmëtarit për ta marrë, sepse Mesazhi është shumë i madh.

Nderojeni atëherë atë që ka ardhur për të sjellë Mesazhin e Ri në botë.

Ai është një burrë i përulur. E ka zhvilluar urtësinë e duhur për të ndërmarrë një rol kaq të madh, dhe është dërguar në botë për këtë qëllim.

Pranojeni atë. Kuptojeni atë. Por mos e adhuroni. Ai nuk është zot. Ai është Lajmëtari që po sjell Mesazhin e Ri nga Zoti në botë.

Tani është koha. Ky është oportuniteti i madh. Kjo është përgjigja e lutjeve të njerëzve nëpër botë – lutje nëpër çdo traditë fetare, nëpër çdo komb dhe kulturë, lutje për urtësi, fuqi, unitet, liri dhe shpëtim.

Merreni tani këtë Mesazh të Ri. Ka ardhur, dhe ka ardhur tamam në kohën e duhur.